"Avvalo gapimni "Oq-tepa" va "Sho'rtan" klublariga minnatdorchilik bildirishdan boshlamoqchiman. Sababi dastlabki ikki turda bu klublar bizni juda yaxshi kutib olishdi va ajoyib sharoitlar yaratib berishdi. O'tgan turdan keyin matbuot anjumani bo'lmagani uchun "Oq-tepa"ga rahmat ayta olmagandim.

O'yinga keladigan bo'lsa qisqa qilib aytganda. Yomon o'ynadik va natijaga erishdik. Asror Aliqulov boshchiligidagi g'uzorliklar yosh jamoa yaxshi shakllangani ekanligini ko'rib turibmiz. Bugungi o'yindan qattiq xavfsiragandim. Sababi "Sho'rtan"dagi futbolchilar birga katta bo'lishmoqda va ishtiyoq juda kuchli. Ular shunchaki jismoniy jihatdan kuchayishsa barchasi yaxshi bo'ladi. Bu futbol, kimdir yutadi, kimdir yutqazadi. To'g'ri bizda tajribali futbolchilar ko'proq, oldimizda katta masuliyat bor. G'alaba bilan Buxoro xalqini, klub rahbariyati, futbolchilar va muxlislarni tabriklayman.

Jamoam azolari oson g'alabani qo'lga kiritamiz deb o'ylagandi. Ammo futbolni barcha o'ynashni o'rganib olgan. Bunday harakat bilan keyingi o'yinlarda natijaga erishish oson bo'lmaydi. Hozirgi kunda maydonda yurib hech qaysi jamoani yutib bo'lmaydi.

To'g'ri jamoam o'yinidan qoniqish hosil qilmadi. Ko'rsatmalarimni 100 foiz bajarishmadi deya olmayman. "Sho'rtan"dagi imkoniyatlar o'zimizning oddiy xatolarimiz tufayli sodir bo'ldi. Keyingi bahslarga jiddiy tayyorlanish kerakligini takrorlayman.

"Buxoro" 3-turni ham safarda o'ynaydi. Ketma-ket safarda o'ynash istalgan jamoaga va murabbiyga og'ir bo'ladi.

"Buxoro" oldiga Superligaga chiqish vazifasi qo'yilgan. Tan olaman jamoamiz oldingi yildagi futbolchilardan qarzdorligi bor, yo'q desam yolg'on gapirgan bo'laman. Bu qarzlar sekin-asta to'lanmoqda. Ammo uy o'yinlarimizni qaysi stadionda o'tkazishimiz meni o'ylantirmoqda. Qaysi shaharda bo'lishini ham bilmaymiz.

Pro liga musobaqasi Superliga kabi qiziqarli o'tmoqda. O'yinlar TV orqali namoyish etilmoqda. Bu tomonlama o'sish juda katta. O'FA va PFLga rahmat aytaman.

G'ijduvon, Muborak yoki Navoiy stadionlarida o'ynash variantlari bor. Hozircha qaerda o'ynashimiz nomalum.

"Bo'ridan qo'rqqan o'rmonga bormaydi" deyishadiku. Agar foiz masalasida so'rasangiz bunday tarkib bilan har qanday vazifani bajarishi mumkin. Tarkib jihatdan olib qarasak 80 foiz Superligaga chiqa olamiz deb ayta olaman. Ammo barchasi maydonda hal bo'ladi. O'yin o'yinga to'g'ri kelmaydi. Agar barchasini oldindan bilganimda bu erda o'tirmagan bo'lardim", - deydi Davron Fayziev championat.asia saytiga.

Davron Fayziev: "Yomon o'ynab g'alabaga erishdik. Qaysi stadionda o'ynashimiz nomalum yoxud "bo'ridan qo'rqqan o'rmonga bormaydi"