- Birinchi o'yin bo'lgani uchun ozgina hayajon etishmadi. Ikkinchi bo'limda esa hammasi iziga tushdi. Ko'rdingiz bir nechta vaziyatlarga ega bo'ldik. Agarda ulardan aniq foydalana olganimizda safardan bir ochko bilan qaytishimiz ham mumkin edi.

- O'tkazib yuborilgan gollarga keladigan bo'lsak, birinchisi standart vaziyatdan bo'ldi va shunda qanot hakami bayroqchasini ko'tardi. O'sha vaziyatda biz chalg'ib qoldik va vaziyatda to'xtab qoldik.

- O'yinga bo'lgan tayyorgarlik yuqori darajada edi. Maksimum durang bilan qaytib ketishni o'ylagandik. Murabbiylar o'yindan oldin maydonga chiqib, ishqibozlarni quvontirish uchun astoydil xarakat qilishimiz kerakligini uqtirgandi. Buni tarkibdagi yigitlar ham yaxshi tushunib turgandi.

- Andijondan kelib bizni butun o'yin davomida tinimsiz ravishda qo'llab-quvvatlab turgan ishqibozlarimizdan uzur so'raymiz. Ularga minnatdorchilik bildiraman.

- Endi keyingi uchrashuvni yana bir etakchi klublardan biri bo'lgan “Lokomotiv”ga qarshi o'tkazamiz. O'z maydonimizda muxlislarimizni xursand qilishimiz shart deb o'ylayman. Asosiy etiborimizni bo'lajak bahsga qaratamiz – deydi Davron Tursunov.

"Andijon" matbuot xizmati

Davron Tursunov: “Vaziyatlardan unumli foydalanganimizda kamida bir ochko bilan qaytishimiz ham mumkin edi”