"Keksa sinora" 19 yoshli himoyachiga yiliga 14 million evro berishga tayyor. Turinliklar futbolchi uchun amsterdamliklarga 70 million evro taklif qiladi.

Agar transfer amalga oshsa, de Ligtning maoshi A Seriyada ikkinchi o'rinda bo'ladi. A Seriyaning eng ko'p maosh to'lanuvchi futbolchilari ro'yxatini Krishtianu Ronaldu boshqarib kelmoqda. 34 yoshli portugaliyalik o'yinchi yiliga 31 million evro maosh oladi.

De Ligt yakunlangan mavsum "Ayaks" libosida 55ta o'yinda maydonga tushib, 7ta gol va 4ta assistga erishgan. Himoyachi jamoasiga Gollandiya chempionligi, mamlakat kubogi va Chempionlar Ligasida yarim finalgacha chiqishida o'z hissasini qo'shdi.

transfermarkt.de de Ligtni 75 million evroga baholamoqda.

De Ligt A Seriyada Ronaldudan so'ng ikkinchi eng ko'p haq to'lanadigan futbolchiga aylanadi