-Ilk navbatda "Paxtakor"ni g'alaba bilan tabriklayman. Jamoamiz vakillari uchun bir qancha etirozlarim bor. Ularni belgilangan tartibda ko'rib chiqamiz. Shunisi aniqki, har ikki taymda ham "Paxtakor"dan kuchsiz edik.

-"Olimpik" bundan avvalgi o'yinlarda munosib qarshilik ko'rsatayotgandi. Bugun nima uchun bunday bo'ldi? Bunga birinchi bo'limdayoq uchta gol o'tkazib yuborilgani sabab bo'ldimi?

- Ha, dastlabki daqiqalarda yaxshi harakat qilgandik. Yigitlar jismoniy va ruxiy tomonlama yuklamalarni ko'tara olishmayapti. "Neftchi" va "Dinamo"ga qarshi ham yaxshi o'ynagandik, lekin yutqazgandik.

Bugun esa to'rtinchi goldan so'ng yigitlar nimalar bo'layotganini tushunmay qolishdi.

Bunday mag'lubiyatdan so'ng tiklanib olish qiyin. Yigitlarda tajriba kam.

-Jamoani bir qancha etakchilar tark etdi. Asosan yoshlar bilan ishlash, Superliga darajasidagi o'yinlarga tayyorlash qay darajada qiyinchilik tug'dirmoqda?

-Muammolar bor. Oson emas. Tajribasizlik bor. Raqiblar xatoni kechirib o'tirishmaydi. Yigitlar o'ynashni biladilar, ularga shunchaki biroz tajriba etishmayapti.

-Umuman olganda, "Olimpik"dagi faoliyatingizni qanday baholaysiz?

-Biz harakat qilyapmiz. Butun boshli murabbiylar shtabi harakat qilyapti. Har bir raqibni o'rganib, tahlil qilib chiqyapmiz. Kapadze qurib ketgan o'yin usulini ushlab qolishga harakat qilyapmiz. Yigitlarning kelajagi bor. Superligada bir hil darajada o'ynash qiyin.

Aynan shunday pallalar orqali odam kuchayadi. Biz o'z ishimizni maksimal tarzda bajarishga harakat qilyapmiz. Qaysidir o'yinlarda g'alaba ham qozonishimiz mumkin edi. "So'g'diyona" yoki "Metallurg" bilan o'yinlarda bizga nimalardir etishmadi.

Denis Korostichenko: "Har ikki taymda ham "Paxtakor"dan kuchsiz edik"