Бироқ мураббий "Ювентус"га қайтиши ёки Бразилия терма жамоасига тайинланиши мумкинлиги ҳақидаги миш-мишларни рад этди.
"Мен баъзи бир муҳокамаларда иштирок этдим, лекин Бразилия билан эмас. Номларни ошкор қилмайман, лекин улар менинг ҳолатимни билишади", – деди Дешам.
Шунингдек, Дешам 2026 йилги Жаҳон чемпионатидан кейин Франция бош мураббийи лавозимидан кетиш қарори, жамоанинг турнирдаги натижаларидан қатъи назар якуний эканлигини таъкидлади.
Дешам 2012 йил ёзидан бери Франция терма жамоасини бошқариб келмоқда. Унинг бошчилигида жамоа 2018 йилда Жаҳон чемпионатида ғолиб чиққан.
