"Албатта, ҳозир сафимизга қўшилиш учун қулай фурсат эмас, чунки клуб муаммога дуч келди. Шунга қарамай, "Ювентус" буюклигича қолмоқда, асосийси – кучли бўлиб қолиш ва ўзининг энг яхши ўйинини кўрсатишда давом этиш. Мен ҳар доим оиламни ҳисобга олиб қарор қабул қиламан ва оилам Туринда бахтли. "Ювентус" – Италиядаги энг катта клуб, Европанинг асосий клубларидан бири, биз ҳаммасидан мамнунмиз", – деди Ди Мария.
Ди Мария 2022 йилнинг июлида эркин агент сифатида "Ювентус"га ўтганди, 34 ёшли аргентиналик футболчининг битими 2023 йилнинг июнь ойи охиригача амал қилади. Футболчи 2022/23 йилги мавсумда 14 та ўйинда иштирок этиб, 3 та гол урди ва 5 та голли узатмани амалга оширди.
