"Dibalani zaxira o'rindig'ida o'tirganini ko'rsam yig'lagim keladi. Paulo Allegri tufayli zaxirada qolmoqda. Massimiliano Allegri "Palermo"ga kelib skudettoni yutishi kerak. "Yuventus"ni boshqarib fenomen bo'lish oson. Zo'r bo'lsa "Palermo"ni chempion qilsin! Bundan ikki yil avval men Dibalaga futbol o'ynash uchun Ispaniyaga yo'l olishini tavsiya qilib xabarnoma yuborgandim. Italiyadan qolgandan mano yo'q, futbol o'ynash uchun Ispaniyaga yo'l olish Dibala uchun maqul variant. Dibala qishda ketadi. Chunki "Yuventus" Dibalani olib o'tirgandan ko'ra 120 million evroni qo'lga kiritishni istamoqda. O'ylashimcha, Paulo qishda Ispaniyaga ketadi. Unga Angliya va Ispaniyadan takliflar mavjud. "Yuventus" tarkibida chempionlar ko'p, ularni hammasini o'ynashi esa juda qiyin. Dibaladek fenomen futbolchi o'ynamasdan zaxirada qolayotganini ko'rish azob", - deydi Mauricio Dzamparini.

Eslatib o'tamiz, Dibala "Yuventus"ga qadar aynan "Palermo"da o'ynagan va klub xo'jayini Dzamparini bilan juda yaxshi aloqada.

Paulo Dibalaga "Real" tomonidan jiddiy qiziqish bo'layotgani transfer oynasining so'nggi kunlarida juda ko'p bor yozilgandi. Ammo yakunda ushbu transfer amalga oshmadi.

Qishda ochiladigan transfer oynasida Dibala "Yuventus"dan ketishi taxmin qilinmoqda. Davogarlar qatorida "Real" va Angliyaning boshqa jamoalari ham bor.

Shuni qayd etish kerakki, bu yildan etiboran ECHLda qaydnomaga kiritilgan va o'ynagan futbolchi qishdagi transfer oynasi paytida boshqa jamoa o'tsa, unda ECHL pley-off uchrashuvlarini yangi jamoasi safida davom ettirishiga ruxsat beriladi. Avvallari ECHL guruh bosqichida boshqa jamoada o'ynagan futbolchi qishki transferdan so'ng yangi klubi tarkibida ECHLda qaydnomaga kiritilmasdi.

Dibala qishda "Yuve"dan ketadi. Pauloga Ispaniya va Angliyadan chorlovlar tushmoqda