Маълумки, сентябрь ойидан Осиё минтақасида ЖЧ-2022 саралаш баҳсларининг учинчи раундига старт берилади. Иккинчи босқичдан муваффақиятли ўтган Ироқ терма жамоасини келаси ойда иккита муҳим ўйин кутмоқда.

Ироқликлар 2 сентябрь куни Жанубий Корея ва 7 сентябрда Эрон билан ўйнашади. Бу ўйинларга жиддий тайёргарлик кўриш мақсадида терма жамоа Сербияда йиғин ўтказади ва йиғин давомида иккита ўртоқлик учрашувида майдонга тушади: Уммон ва Хорватия термасига қарши.

Хорватия 1 сентябрь куни Россия билан ўйнайди, шу боис улар ҳам Ироқ билан ўртоқлик учрашувига рози бўлишди, фақат ҳозирча томонларнинг қайси санада ўйин ўтказиш бўйича келишиб олишлари қолган, холос.

Кўриниб турибдики, 70 ёшли Адвокат енг шимариб ишга киришди ва маҳаллий матбуотга берган дастлабки интервьюсида Ироқни жаҳон чемпионатига олиб чиқиш учун бор кучини ишга солишни айтиб ўтди.

Дик Адвокат ишга киришди: Ироқ Хорватия билан ўйнайди