Yangi jamoasi borasida Shavkatov qanday fikrda? Buni futbolchi bilan suhbatimiz jarayonida bilib olamiz.

- BMB klubiga o'tishingiz qay tariqa amalga oshdi?

- Mazkur jamoa o'z oldiga yuqori maqsadlarni qo'ygani sababli menga taklif bilan chiqdi. Klubning barcha sharoitlari menga maqul kelgani bois, shartnoma imzoladim.

- “Lokomotiv” sizni tarkibda olib qolish uchun yangi shartnoma taklif qilmadimi?

- Albatta, “Lokomotiv” tomonidan ham yangi taklif bo'ldi. Ammo shartnoma muddatim yakuniga etgani bois, BMB taklifi meni ko'proq maqul keldi.

- Debyutant jamoaga o'tishingiz moliyaviy tomonga bog'liqligi bormi?

- Buni men moliyaviy tomonlama amalga oshdi deya olmayman. Chunki “Lokomotiv”da ham sharoitlar yaxshi edi. BMB o'z tarkibiga milliy terma jamoaning 7 nafar futbolchisini qo'shib olgani va maqsadlari yuqori bo'lgani tufayli shu qarorga keldim.

- O'tgan mavsumda “temiryo'chilar”dagi faoliyatingizdan ko'nglingiz to'ldimi?

- Faoliyatimdan qoniqish hosil qildim. Yaxshi mavsum o'tkazdim deya olaman. To'purarlik ro'yxatida Akbar Usmonovdan keyingi o'rinni egalladim. Bir so'z bilan aytganda, faoliyatimdan ko'nglim to'ldi.

- Bu jamoa Oliy liga chempionligi uchun kurasha oladimi?

- Albatta. Tarkib yanada kuchaytirilmoqda. Ishonamanki, biz chempionlik uchun kurasha olamiz.

Dilmurod Shavkatov: “BMB o'z oldiga yuqori maqsadlarni qo'ygan”