- O'yin haqida

- Birinchi turdanoq bunday masuliyatsiz o'ynash kerak emas. Klubimiz, qolaversa muxlislarimiz uchun albatta alamli achinarli. Bugun birinchi o'rinda xarakter borasida raqibga yutqazdik. Yigitlar buni his qilishgani yo'q. Nega bunday yuz berdi aytish qiyin. Deyarli hech narsa o'xshamadi. Ayniqsa ikkinchi gol ruhan sindirib qo'ydi, deya olaman. "Dinamo"ni g'alaba bilan tabriklayman.

- Juda qisqa vaqt ichida to'p o'tkazib yubordinglar. Bugun asosiy xato himoyadami yoki darvozada?

- "Dinamo" birinchi bo'limda o'yinni nazorat qildi. Ular g'alabaga loyiq. Jamoamda xarakter ko'rmadim. Shu narsa meni xavotirga solyapti. Yutqazish mumkin, ortiqcha gap-so'z yo'q. Lekin o'z maydonimizda o'ynayapmiz. Kurashlarda yutqazdik. Yakkakurashlarda imkoniyatni boy berdik.

- Bugun "Mashal" tarkibida yoshlar ko'p edi...

- Bilasiz, "Mashal" doim o'z tarbiyalanuvchilariga etibor qaratadi. Akademiyamizdan chiqqan ikki nafar futbolchini tushirdik. Bunday o'yinlarda tajriba kerak. Xatolar bor, shu orqali kerakli ko'nikmaga ega bo'lishadi.

Dilyaver Vaniev: "Xarakter bobida "Dinamo"ga yutqazdik"