Shunga muvofiq, qariyb uch oylik karantin davridan keyin Dinamo jamoasi belgilangan talab va ehtiyot choralariga amal qilgan holda 10 iyun kunidan boshlab Samarqanddagi qarorgohida yangi mavsumga tayyorgarlikni boshlaydi.

Xususan, 8 iyun dushanba kuni Dinamo klubi qarorgohi sanitariya-epidemiologik osoyishtalik agentligi tomonidan to'liq dezinfekciya qilinadi.

9 iyun seshanba kuni esa jamoaning barcha futbolchilari va personal xodimlari klub bazasida yig'ilib, koronavirusga tibbiy test topshirishadi. Shu kunning o'zida test natijalari taqdim etiladi.

10 iyun chorshanba kunidan esa jamoa azolari yangi mavsumga tayyorgarlik ishlarini boshlashadi. Kuniga ikki mahaldan mashg'ulotlar o'tkazilishi rejalashtirilgan.

Malumot uchun, Dinamo 23-28 iyun kunlari O'zbekiston kubogi saralashi doirasida o'yin o'tkazsa, 3 iyul kuni Pro-liga 1-turi doirasida Farg'onada Neftchi klubi mehmoni bo'ladi.

"Dinamo" 10 iyundan mashg'ulotlarga kirishadi