Айни пайтда жамоа аъзолари қишки таътилда. Клубни легионер ҳужумчи Жоэль Кожо, дарвозабон Фарҳод Раҳматов ва ҳимоячи Муҳаммадали Турсунов тарк этган.

"Динамо" ҳозирга қадар дарвозабон Эдем Неманов ("Олимпик"), ҳимоячи Акбар Абдирасулов ("Олимпик"), ярим ҳимоячи Санжар Қодирқулов ("Нефтчи") ва ҳужумчи Миржаҳон Мираҳмадовни ("Бунёдкор") ўз сафига қўшиб олди.

ПФЛ талқинига кўра Суперлигада "Йил кашфиёти" деб топилган Анвар Ҳожимирзаев билан шартнома 2025 йил охиригача узайтирилганидан хабарингиз бор.

Бош мураббий Вадим Абрамовнинг "Динамо" билан шартномаси якунланмоқда ва ҳозирга қадар келишув узайтирилмаган. Аммо тез орада расмиятчилик амалга оширилади ва Абрамовнинг ўзи жамоани янги мавсумга тайёрлай бошлайди.

Агар барчаси режадагидек кечса, "Динамо" худди ўтган йилгидек декабрь ойининг охирида Тошкентда йиғин ўтказиши мумкин. Асосий йиғин январь ойи бошида старт олади.

"Динамо" лагерида нима янгиликлар?