Juda ham qiyin va muhim bahsda ancha tajribali jamoani mag'lub eta olganimizdan juda xursandman. Nihoyat, g'alaba qozona oldik. Men avvalo, samarqandlik muxlislarga rahmat degan bo'lardim, ular shuncha muvaffaqiyatsiz damlarga sabr qilib, bugun ham qo'llab-quvvatlashdi va g'alabaga erishdik.

- Oldingi bahslarda standart vaziyatlarini boshqa futbolchilar amalga oshirardi. Bugun esa Iskandar Xolmirzaev to'pga yaqinlashib, ajoyib goli evaziga g'alaba keltirdi. Bu murabbiylar shtabining qarorimi yoki futbolchiniki?

- Bunday zarbalarni mashg'ulotlarda barcha futbolchilarimiz amalga oshirib, tayyorgarlik ko'rishadi. Iskandar Xolmirzaevning zarbasi ham mashg'ulotlarda ishlangandi. O'yindan oldin jarima to'plarini u amalga oshirishini aytgandik. Aynan Iskandar kubok doirasida safarda ham aynan Olmaliq darvozasiga bugungidek jarimadan gol urgandi.

- Bugungi g'alaba jamoa ruhiy holatiga qay daraja tasir qilishi mumkin?

- Katta tasir qiladi. Axir jamoa 10 o'yindan buyon g'alaba tugul, gol ham ura olmayotgandi. Kuchli klublar bilan ham 0:0 hisobida durang o'ynagan bo'lsakda, g'alabaning o'rni boshqa. Bu jamoa ruhiyatiga ijobiy tasir qilib, mashg'ulotlar ham ko'tarinki ruhda o'tishini taminlab, futbolchilarda bosimni nisbatan kamaytiradi. Gol urilganmagan o'yinlar ruhiy bosimni vujudga keltirgandi. Bugun yana gol urish uchun imkoniyatlar bo'lgandi, ammo tajriba etishmadi. Eng asosiysi, Dinamoning qora kunlari ortda qoldi deb o'ylayman.

"Dinamo" murabbiyi Tyulkin bitta g'alabadan so'ng klubning qora kunlari ortda qoldi deb o'ylamoqda