Ushbu uchrashuv jamoalarning Oliy Liga tarixidagi 46-uchrashuvi sifatida qoladi.

DINAMO - NEFTCHI UCHRASHUVI TANTASHEVGA TOPSHIRILDI

Oliy Liga 28-turi doirasidagi Dinamo - Neftchi uchrashuvini boshqarib boradigan hakamlar brigadasi malum qilindi.

PFL bergan ro'yxatga ko'ra, Samarqanddagi uchrashuvni buxorolik hakam Ilgiz Tantashev boshqarib boradi. Unga qanotlarda Rustam Serazetdinov va Andrey Capenkolar yordam berib borishadi. Uchrashuv nazoratchisi sifatida Dmitriy Roman ishlasa, PFL vakili sifatida Aleksey Frolov tayinlangan.

Oliy Liga. 28-tur.
8 noyabr (chorshanba)
“Dinamo” (Samarqand) – “Neftchi” (Farg'ona)
Hakamlar: I. Tantashev (Buxoro), R. Serazitdinov (Toshkent), A. Capenko (Toshkent vil.), R. Abdivohidov (Qarshi).
Nazoratchi: D. Roman (Toshkent).
PFL vakili: A. Frolov.

O'ZARO O'YINLAR: USTUNLIK NEFTCHIDA

1960 yilda tashkil topgan Dinamo jamoasi va 1962 yilda tashkil etilgan Neftchi jamoasi Oliy Liga tarixida o'zaro 45 marta kuch sinashishgan. Natijalar “Neftchi”ning kattagina ustunligini ko'rsatmoqda. Farg'onaliklar 45 bahsning 31 tasida g'alaba qozonishgan. 11 uchrashuvda “Dinamo”ning qo'li baland kelgan. Uchta o'yinda esa durang qayd etilgan. To'plar nisbati ham tabiiyki “Neftchi” foydasiga 86-39. O'zaro o'inlarda “Neftchi” 96 ochoni qo'lga kiritgan bo'lsa, “Dinamo” 36 ochkoga ega bo'lgan.

1-DAVRA: DINAMO FARG'ONADAN G'ALABA BILAN QAYTGAN

Ushbu jamoalarning joriy mavsum birinchi davradagi uchrashuvlari Farg'onada o'tib, Neftchi Vadim Abramov qo'l ostidagi debyut o'yinni Dinamoga qarshi o'tkazgandi.

Ushbu bahsda Dinamo mavsumdagi uchinchi safar g'alabasini qo'lga kiritgandi. Samarqandliklar golllariga Jasur Azimov, Orif Mamajonov va Amirjon Safarov mualliflik qilgan bo'lishsa, Neftchining ikki goli Muydin Mamazulunov va Sherzod Hakimovlar nomiga yozilgan.

Oliy Liga. 13-tur: Neftchi - Dinamo - 2:3.

Samarqandda o'tgan so'nggi olti uchrashuv:
09.23.2015 Dinamo - Neftchi 0:1
17.10.2014 Dinamo - Neftchi 0:0
08.11.2013 Dinamo - Neftchi 2:0
17.11.2012 Dinamo - Neftchi 2:0
09.09.2011 Dinamo - Neftchi 2:0
15.05.2010 Dinamo - Neftchi 3:1

O'zaro o'yinlar haqida fakt:

“Dinamo” o'z uyida bu raqibga qarshi bo'lib o'tgan o'yinlarda 9 marta zafar quchgan. Bir marta durang qayd etilgan. 12 ta uchrashuvda “Neftchi” Samarqandda g'olib bo'lgan. Oxirgi 5 ta o'yinda “Neftchi” safarda Dinamo darvozasiga 1 ta gol urgan.

Dinamo klubi matbuot xizmati.

Dinamo - Neftchi: 46-uchrashuv kimga ataladi?