Uchrashuvdan hujumkor boshlagan vakillarimiz dastlabki bo'limning o'zidayoq yarimhimoyachilar Temur Sharipov, Azamat Bobojonov va Jonibek Ko'chimovning gollari evaziga o'yin taqdirini deyarli hal etib qo'yishdi, 0:3.

Ikkinchi bo'limda bir qator o'zgarishlar bilan maydonga tushgan samarqandlik futbolchilar shu kuni yosh Temiryo'lchilardan har tomonlama kuchli ekanliklarini amalda namoyon etishdi.

Tajribali himoyachi Aleksey Nikolaev ikkinchi taym boshida hisobni 0:4 ga etkazgan bo'lsa, ko'p o'tmay hujumchi Alisher Xoliqov hisobni 0:5 ko'rinishiga olib keldi. Murabbiylar tomonidan zaxiradan maydonga tushirilgan yosh goleador Amirjon Safarov o'yindagi xet-trikki evaziga hisobni 0:8 ga etkazib, jamoamizga mavsumdagi eng yirik natija – 8:0 hisobidagi g'alabani keltirdi.

Etiborlisi, Ilhom Sharipov boshchiligidagi jamoamiz O'zbekiston chempionati tarixidagi rekordi - eng yirik 8:0 hisobdagi g'alabani yana bir karra takrorlashdi. Bungacha, Dinamo 16 yil oldin - 2000 yilda Oliy Liga doirasida Angrenning Semurg' klubi ustidan xuddi shu hisobdagi g'alabani tantana qilgandi. Bu rekord Dinamochilar tomonidan yana takrorlangani yaxshi natija.

Birinchi Liga, 16-tur.

Lokomotiv-BFK - Dinamo - 0:8 (0:3)

Gollar: T.Sharipov, A.Bobojonov, J.Ko'chimov, A.Nikolaev, A.Xoliqov, A.Safarov 3 ta.

Lokomotiv-BFK: 1. Bahodir Mirsoatov, 6. Abdulaziz Abduhamitov, 7. Sunnat Saidov, 8. Nikita Efremenko, 10. Ramziddin To'xtanazarov, 11. Rustam Yaraliev, 17. Hayot Sotvoldiev, 22. Azimjon Omonjonov, 23. Diyor Usmonxo'jaev, 24. Xojiakbar Haydarov, 27. Shoxruh Razzoqov.
Zaxira: 16. Ravshan Yagudin, 4. Jahongir Sakiev, 9. Muhammadjon Husanov, 13. Shoxruh Hikmatov, 15. Shavkat Raimqulov, 19. Shukurjon Mo'minov, 20. Xurshid Mo'minov.

Dinamo: 1. Mixail Naumov, 3. Bunyod Isroilov, 5. Firdavs Abdusalimov, 6. Akmal Bozorov, 7. Omadjon Tayloqov, 8. Jasur Azimov, 9. Viktor Klishin, 10. Azamat Bobojonov, 17. Aleksey Nikolaev, 22. Temur Sharipov, 24. Jonibek Ko'chimov.
Zaxira: 27. Shuhrat Murodov, 2. Mirkomil Loqaev, 12. Jasur Qurbonov, 18. Alisher Xoliqov, 19. Islom Sharipov, 20. Amirjon Safarov, 23. Komil Sharofutdinov.

"Dinamo" O'zbekiston chempionati tarixidagi rekordini takrorladi