Ushbu uchrashuvdan oldin mehmonlarning tajribali futbolchilari Aleksey Nikolaev va Alisher Xoliqovlar jarohatlari bois jamoaga yordam bera olmasliklari aniq bo'lsada, yosh dinamochilar shu kuni ularning yo'qligini bilintirishmadi. Ammo shu kuni mavsumdagi eng qiyin g'alabalardan biri qo'lga kiritildi.

Dastlabki daqiqalardan to o'yin yakunigacha bahs mehmon jamoa ustunligida o'tgan bo'lsada, yosh paxtakorchilar himoyada barqaror o'yin namoyish etishga intilishdi va bu vazifa birinchi bo'limda so'zsiz bajarildi.

Ikkinchi bo'limning 63-daqiqasiga kelib samarqandlik futbolchilarning hujumlaridan biri o'z mevasini berdi. Jarima maydoni ichida himoyachilar tomonidan qo'pollik bilan to'xtatib qolingan Omadjon Tayloqov, jabrlanuvchi sifatida belgilangan 11 metrlik jarima zarbasini aniq zarba bilan darvozaga kiritib, hisobni ochdi, 0:1.

Goldan keyin ruhlangan ko'hna shaharlik futbolchilar har ikki qanotdan tinmay hujumlar uyushtirishdi. Bu ko'rsatma 86-daqiqaga kelib o'zini oqladi. Chap qanotdan etkazib berilgan to'p oshirishni zaxiradan maydonga tushgan yosh hujumchi Asomiddin Mamatov bosh bilan darvozaga joylab qo'ydi, 0:2.

Shunday qilib, Toshkentda 4 kun ichida ikkita o'yinda maydonga tushgan Dinamo ikki g'alaba evaziga 6 ochko jamg'arib, turnir jadvalida eng yaqin taqibchisidan 8 ochkoga o'zib ketdi. Zaxirasida yana bitta qoldirigan o'yini bo'lgan jamoa 67 ochko bilan Birinchi Ligada peshqadamlikni mustahkamlashda davom etmoqda.

Samarqand jamoasi navbatdagi ikki turda 12 oktyabr kuni Nukusning Orol, 15 oktyabrda esa Urganchning Xorazm jamoasini qabul qiladi.

Birinchi Liga. 30-tur.

7 oktyabr (juma)

PAXTAKOR-2 – DINAMO - 0:2

Qibray, 56 tomoshabin.

Hakamlar: I. Garmashov (Toshkent) – 8,2, I. Abdulakov (Toshkent vil.) – 8,3, I. Zoitov (Toshkent vil.) – 8,3, X. Nabiev - 8

Nazoratchi: O. Rubakov (Toshkent).

Gollar: O. Tayloqov (63, penalti), A. Mamatov (86).

Dinamo: Mixail Naumov, Mirkomil Lokaev, Bunyod Isroilov, Ubaydullo Nabiev, Akmal Bozorov, Iskandar Xolmirzaev, Omadjon Tayloqov (Komil Sharofutdinov, 70), Jonibek Ko'chimov (Laziz Nuriddinov, 79), Islom Sharipov (Jasur Azimov, 46), Viktor Klishin (Asomiddin Mamatov, 70), Amirjon Safarov (Hakimxon Alamxonov, 80).

Ogohlantirishlar: M. Komilov (14), YU. Shoimov (39), S. Sindarov (66) – O. Taylakov (45+2), L. Nuritdinov (86).

"Dinamo": Qibraydan g'alaba bilan