- Avvalambor, Dinamo jamoasini g'alaba bilan tabriklayman. Yaxshi o'yin guvohiga aylandik. O'yin davomida bizda ham golli vaziyatlar bo'ldi, ammo bundan foydalana olmadik. O'yinga yaxshi tayyorgarlik ko'rgandik, ammo omad biz tomonda bo'lmadi.

Jamoam o'yini haqida gapiradigan bo'lsam, 1-bo'limda yigitlarda hayajon sezildi. Tanaffusdan keyin esa jamoamiz butkul boshqacha o'yin namoyish etdi. Futbolchilar o'yinidan qoniqdim, chunki mag'lubiyatga qaramay ular maydonida borini berib to'p surishdi. Shogirdlarimga rahmat deyman.

- Jamoaning aksar o'yinchilari o'tgan mavsumlarda Dinamoda o'ynagani va shu klub tarbiyalanuvchisi ekani ularga qo'shimcha motivaciya berdimi?
- Albatta, har bir o'yinchi o'zining sobiq jamoasiga qarshi o'ynaganda bu jihat qo'shimcha ruh beradi. Futbolda tabiiy narsa bu. Bugun butun jamoa yaxshi harakat qildi. Raqibdan qolishmay, tomoshabop o'ynadi.

- Islom Sharipov yiqitilgan vaziyatda penalti bor edimi? Ko'p o'tmay, Komil Sharofutdinov gol kiritmasidan avval qizil kartochkaga loyiq harakat qilganini takroriy vaziyatda ko'rdik. Bugungi hakamlik va vaziyatlar bo'yicha qanday fikrdasiz?
- Penalti bormi yoki yo'qmi – bu bizning ishimiz emas. Bo'lsa bordir, balki yo'qdir, bilmadim, bu masalada aniq fikr bildira olmayman. Hakamlarga etirozim yo'q, - deydi Alisher Latipov Dinamo - Yunired o'yinidan (1:0) keyin.

Dinamoga qarshi o'yinimizdan qoniqdim. Yigitlar borini berishdi - Yunired bosh murabbiyi Samarqand derbisi va o'yindagi vaziyatlar haqida