Шу вақтдан буён ФИФА мазкур иш юзасидан ҳозирги “Андижон” жамоасини тинч қўймасди. Клубнинг ҳозирги раҳбарияти масалага нуқта қўйиш юзасидан иш олиб борди. Адашмасам, Швейцарияга вакиллар ҳам жўнатилди.

Гап шундаки, Вуйович тўп сурган “Андижон профессионал футбол клуби” МЖЧ Андижон вилоят иқтисодий суди томонидан 2017 йилда тугатилган. Айни вақтдаги жамоа эса “Андижон футбол спорт” МЖЧ сифатида 2016 йилда ташкил топган. Иккинчи томон биринчисининг мол-мулкини ҳам, қарзларини ҳам бўйнига олмаган. ФИФА турли текширувлардан кейин буни тан олди (ўртада “Андижон бахтли ёшлари” МЖЧ ҳам фаолият юритган.

Кўза кунда эмас, кунида синади. Клубларнинг муаммолари билан банкрот қилиб юборилиши авваллари кўп кузатилган. Жамоа янги МЖЧ сифатида қайта ташкил этилган ва ҳар сафар сувдан қуруқ чиқаверган. Аммо ФИФА бу каби ишларни бугун қаттиқ назорат қилади. ЎзПФЛ регламентида ҳам бу каби ишларга алоҳида банд ажратилган. Клублар чин маънода профессионал фаолият олиб бориши лозим.

2019 йилда клублар икки мартадан аудит текширувидан ўтказилади. Насиб бўлса, бу галгиси аввалгиларидан анча жиддий бўлади - деб ёзади ЎзПФЛ бош директори маслаҳатчиси Диёр Имомхўжаев телеграмдаги расмий каналида.

Диёр Имомхўжаев: "Андижон" Предраг Вуйович масаласини ҳал қилди"