O'yin haqida

- 25 kun davomida futbol o'ynamadik. Ligada qatnashishimiz so'roq ostida edi. Yigitlarga shijoat hisobiga yutish lozimligini aytgandim. O'yindan-o'yinga qo'shib boramiz.

- O'zingiz takidlagandek, oxirgi o'yindan so'ng deyarli bir oy vaqt o'tdi. Futbolchilarning jismoniy imkoniyatlarini ushlab turish maqsadida nimalarni amalga oshirdingiz?

- Jadval ikkiga ajralgandan so'ng chempionatda qatnashish yoki qatnashmasligimiz so'roq ostida edi. Ruhiy tomondan tushkunlik bor edi. Ochig'ini aytaman, 6 kun oldin yig'ildik. 5 kun mashg'ulotlar va oltinchi kuni futbol o'ynayapmiz. Futbolni aldab bo'lmaydi, barchasi maydonda ko'rinib qoldi. Futbolchi mashg'ulotlarda qatnashmasa, bu seziladi. Aslida yutqazadigan o'yin edi, omadimiz chopib durang natijaga erishdik. Raqiblar penaltidan foydalana olmadi. Jismoniy imkoniyatni tiklashga vaqt kerak.

- Birinchi golda xatoga yo'l qo'ygan Bunyod Shodievni almashtirdingiz. Buning sababi nimada?

- Shodievni almashtirilishi golda xato qilgani uchun emas. Uning o'zi yonimga kelib o'yini chiqmayotganini aytdi.

- 1:1 hisobi sizni qoniqtirdimi?

- Hozirgi vaziyatimizdan kelib chiqsa, albatta qoniqtirdi. Bugun yutqazishimiz mumkin edi. 80-daqiqadan keyin darvozamiz tomon penalti belgilangandi. Omadimiz kelib raqib penaltini golga aylantira olmadi.

Diyor Mirzaboev: "Futbolni aldab bo'lmaydi, barchasi maydonda ko'rinib qoldi"