O'yin haqida

- Mazkur o'yin oldin jamoamizning 8 nafar asosiy tarkib futbolchimiz turli sabablarga ko'ra, Nukus kelmadi. Natijada, yo'qotishlar o'rnini U-19 jamoadan futbolchilarni jalb qildik. Aslida “Aral Samali” maydonida futbol o'ynash oson kechmagan. Birinchi bo'limda mezbonlarda golli vaziyatlar yuzaga keldi, lekin shogirdlarimga rahmat, o'yinga bo'lgan munosabati sabab gol o'tkazib yubormadik. Mavsumni imkon qadar yoshlarimiz bilan yakunlashni maqsad qilganmiz.

- Jamoalar birinchi bo'limda tengma-teng o'yin ko'rsatishdi. Ikkinchi bo'limda qizil kartochkadan keyin “Yangier” ancha yaxshi o'yin ko'rsatib, gollar urdi. Raqibni maydonda kam bo'lib qolishi jamoangizga foyda keltirdimi?

- Qizil kartochkaga qadar bizda penalti bo'ldi. Undan ham foydalansak bo'lardi. Qolaversa, biz o'yin kuni ertalab Nukusga etib keldik. Yo'l ham ancha vaqtni oldi. Ikkinchi bo'limda jamoamiz futbolchilari biroz jonlandi. Raqibga nisbatan biroz kuchli ekanligimiz ko'zga tashlandi.

- “Yangier”da azaldan yaxshi jamoa bo'lgan. Ilgari yuqori ligalarda o'ynagan. Oxirgi vaqtlarda esa jamoa birinchi va Pro liganing doimiy azosiga aylanib qoldi. Bu nima bilan bog'liq?

- Yillar va rahbarlar almashinuviga bog'liq. Rahbar o'z imkoni darajasida jamoa tuzadi. Bu mavsum jamoa oldiga kuchli beshtalikka kirish edi. Vazifa bajarilmaganidan so'ng, jamoa yoshartirildi. Balki kelgusi yilda jamoa o'z oldiga boshqacha vazifa yoki maqsad qo'yishi mumkin.

- Bugungi kunda klubning moliyaviy ahvoli qanday?

- Viloyat hokimligi tomonidan biroz yordam berib turilibdi. Bilasiz, klub xususiy hisoblanadi. Yashirmayman, jamoaning futbolchilardan etarlicha qarzdorligi bor. Mashg'ulotlar uchun maydon, avtobus, oziq-ovqat tomonidan umuman muammo yo'q. Lekin maosh va mukofot pullaridan qarzdorligi bor. Rahbarimiz bu muammolarni tez orada bartaraf etishga vada bergan.

Diyor Mirzaboev: “Jamoaning maosh va mukofot pullaridan etarlicha qarzdorligi bor”