O'yin haqida

- Mavsumning oxirida futbolchilarda motivaciya yo'qolgan. Lekin bugun ko'rsatgan o'yinimizda shijoat bor edi. U-19 jamoamizdan 4 nafar futbolchini jalb etdingiz, ko'rdingiz nomdor klubga qarshi o'yinda o'zini yo'qotib qo'ygani yo'q. Hamma futbolchilarimizga alohida minnatdorchilik bildiraman. Natijadan ko'ra ham yigitlarning o'yinga bo'lgan munosabati meni xursand qildi. 1:0dan keyin ham etarlicha vaziyatlarimiz bo'ldi. Umumiy aytganda, bugun durang adolatli natija bo'ldi.

- U-19 jamoasi vakillarining harakatlaridan qoniqdingizmi?

- Albatta. Eng yosh jamoa bizda, 2003-2004 yil futbolchilar asosiy tarkibda o'ynamoqda. Bugun tomoshabop o'yin bo'ldi deb o'ylayman. Yigitlar borlarini berib harakat qilishdi.

- Bu yilga jamoa "Sho'rtan" bilan 4 marta to'qnash keldi, ammo mag'lub etolmadi. Bu haqida qanday izox berasiz?

- "Yangier" hali "Sho'rtan"ni yutmagan ekan. Bugun masala bo'yicha gaplashgandik, "Sho'rtan"ni yutish uchun maydonga chiqqandik. Ammo yakunda baribir durang natija qayd etildi.

- Jamoada oylik maoshlar to'landimi?

- Moliyaviy muammolar ko'p klublarda bor. Klub xususiy hisoblanadi. Ammo, bu jamoa butun Sirdaryo viloyatiniki. Hozirda mukofot pullari va oylik-maoshlar bo'yicha qarzdorliklar yo'q emas. Biroq "Yangier" har doim mavsum yakunida hamma bilan to'liq hisob-kitob qilib kelgan.

Diyor Mirzaboev: "Yigitlarning o'yinga bo'lgan munosabati meni xursand qildi"