Ушбу учрашувда “темирйўлчилар” рақибларини кичик ҳисобда мағлубиятга учратишди. Ўйиндан сўнг “Локомотив” клуби футболчиси Диёр Туропов ўз фикрлари билан ўртоқлашди.

“Бунёдкор”га қарши учрашувда мухлислар стадионни тўлдириб туришди. Шунга яраша ўйин ҳам чиройли ўтди. Биз рақибларимизга қараганда гол уриш учун кўпроқ имкониятлар эга бўлдик. Ўша вазиятларни голга айлантира олганимизда иккинчи бўлим осонроқ бўларди. Биринчи даврага нисбатан иккинчи даврада “Бунёдкор” анча ўзгарган.

Бир-бирини яхши тушиниб ҳаракат қилишади. Шунинг учун ҳам иккинчи бўлимда биздан кўра кўпроқ устунлик қилди. Жамоавий ўйин эвазига шундай натижаларни қўлга киритдик. “Локомотив” жамоасида ким фаолият юритаётган бўлса, ушбу ғалабаларда барчанинг хиссаси бор”, - дейди Диёр Туропов.

“Локомотив” жамоасида ким фаолият юритаётган бўлса, ушбу ғалабаларда барчанинг хиссаси бор”

Жаҳонгир Сотволдиев ёзиб олди

Диёр Туропов: “Қўлга киритилган ғалабада барчанинг хиссаси бор”