O'yin haqida

- Bugun Islom Baratov va Abdurahmon Abdulhaqov kabi asosiy tarkib futbolchilarining maydonda yo'qligi baribir sezildi. Chunki zaxiramizda kamchilik yuzaga keldi. Natijada, biz U-19 jamoamiz futbolchilaridan foydalandik. Ikkisi ham etakchi, ular bo'lganda yaxshi bo'lardi. Baratov kelgusi o'yindan safga qaytadi, Abdulhaqov bo'yicha tartib-intizom qo'mitasi qarorini kutamiz.

- “Zomin” bir kishi kam bo'lib qoldi. Nega jamoa bundan unumli foydalanib, ko'p gol ura olmadi. Bunga nima sabab bo'ldi?

- Odatda bir kishiga qarshi o'yin ko'rsatish qiyin. Chunki futbolchilar raqib bizdan maydonda kamchilik deb, xotirjamlikka beriladi. Tanaffusda ham futbolchilarga tushuntirdim, hozir raqib gol ursa, himoyaga yotib olishini, keyinchalik yanada qiyin holatga tushib qolishimizni takidladim. Ko'p vaziyatlarga ega bo'ldik, biroq bundan foydalana olmadik.

- Jamoaning asosiy maqsadi qanday?

- Hozir chempionatda 6 yoki 7 o'rinni qo'lga kiritganimiz bizga hech nima bermaydi. Holatimizdan kelib chiqib aytsam, biz Pro ligadan tushib ketmaymiz. Buyog'iga U-19 jamoasidagi yigitlarni asosiy jamoaga jalb qilib, ularga o'yin amaliyotini bermoqchimiz. “Zomin” bilan bahsda ham 4 nafar yoshlar jamoamiz futbolchilari maydonga tushdi.

Diyorbek Mirzaboev: “Odatda bir kishi kam jamoaga qarshi o'yin ko'rsatish qiyin”