"Ha, g'alaba qozondik. Futbolchilarim ko'rsatmalarni to'g'ri bajarishdi. Rejalarimiz amalga oshdi. Buning uchun ularga rahmat aytaman. Umuman olganda bugun asabiy va jangovar o'yin guvohi bo'ldik. Maydonda so'nggi daqiqalarga qadar kurash kechdi. "Neftgazmontaj" hali mag'lubiyatga uchramagan edi. Ular bizga etarlicha qarshilik ko'rsata olishdi. Raqib jamoada xarakter borligini ko'rdim.
Mavsum boshida o'yinimiz qovushmagani rost. Chunki jamoada futbolchilar yosh. O'zaro chiqishib ketish uchun vaqt kerak. O'yindan o'yinga hammasi joyiga tushib boryapti. Futbolchilarning o'z kuchiga bo'lgan ishonchi ham ortmoqda. Shu bois o'yinimizda ijobiy o'zgarishlar ko'zga tashlanyapti".

Ushbu mutaxassis o'z vaqtida "Paxtakor"dagi faoliyati orqali futbolimizga Jaloliddin Masharipov, Igor Sergeev, Jamshid Iskanderov kabi yulduzlarni etishtirib bergan. Xo'sh, bunday individual kuchli futbolchilar yana chiqadimi? Bu savolga Dmitriy Kim quyidagicha javob berdi.

"Ha, texnik tomondan kuchli o'yinchilarimiz bor. Masharipov va Sergeevga o'xshgan iqtidorlarni bolalikdan tayyorlab borish kerak. Yuqori darajaga chiqish uchun o'z ustida ko'proq ishlashlari lozim. Kelajakka umid bor. Raqibni aldashlariga qanday qarayman? Qanday qaror chiqarish o'yinchining o'ziga bog'liq. Aldaydigan joyda aldash kerak. Pas beradigan paytda pas berish lozim",- deydi Dmitriy Kim.

Dmitriy Kim: "Masharipov va Sergeevlar yana chiqadimi? Bunday iqtidorlarni bolalikdan tayyorlash kerak"