- Doniyor, avvalombor kuni kecha bo'lib o'tgan o'yindagi g'alaba bilan tabriklaymiz. Ushbu o'yindan so'ng hissiyotlar qanday?

- Rahmat, to'g'risi kayfiyatimiz alo darajada. Sababi o'z maydonimizda ilk uchrashuvimiz, minglab muxlislar qarshisida va ajoyib muhitni ko'rib faqat g'alaba qozonish kerakligini jamoamiz murabbiylari takidlagan edi. Shu o'rinda yangi boshlangan mavsum hamda kirib kelayotgan navro'z bayrami bilan butun Andijon xalqi, jamoa rahbariyati hamda futbolchilarni tabriklayman.

- "Andijon" jamoasi Superliga o'yinlarida dastlabki g'alabasini qo'lga kiritdi uchrashuv haqida nima deya olasiz?

- "Surxon" bilan o'yinda dastlabki g'alabani qo'lga kiritdik. O'yin qiyin bo'lishi malum edi. Raqibimiz ham o'yinga yaxshi tayyorgarlik ko'rishganligi ko'rinib turdi, yakunda jamoamizning birdamligi tufayli g'alaba qozondik.

-"Bobur Arena"ga tashrif buyurgan minglab muxlislarning qo'llab quvvatlashi va ajoyib muhitda o'zingizni qanday his qildingiz?

- "Bobur Arena"dagi atmosferani so'z bilan tariflash qiyin, o'yingohni to'ldirib o'tirgan muhlislar qarshisida to'p surish juda qiyin va bosimi bo'ladi. Tashrif buyurgan futbol ishqibozlariga bizni qo'llab-quvvatlab turganligi uchun minnatdorchilik bildiramiz.

- Jamoa ko'plab xujumlar tashkil qilinmoqda. Biroq yakunda golga aylantira oladigan o'yinchi topilmayapti...

- Meni fikrim bo'yicha unday emas, hammasi joyida. To'g'ri ayrim vaziyatlarda omad biz tomondan yuz o'girmoqda. Keyingi o'yinlarda bu kamchliklarni bartaraf etamiz.

- Navbatdagi turda siz uchun begona bo'lmagan "Bunyodkor" jamoasi mehmoni bo'lasizlar. Ushbu o'yindan oldingi fikrlaringiz qanday?

- Albatta "Bunyodkor" hozirgi kunda Superligida o'z o'rniga ega jamoa hisoblanadi. To'g'ri aytdingiz ushbu jamoada ozmi ko'pmi to'p tepganman. Jamoamiz rahbariyati har bir o'yinda g'alaba qozonish kerakligini uqtirib kelgan, nasib bo'lsa muhlislarni hursand qilib qaytamiz.

Nodirbek Abdullaev suhbatlashdi

Doniyor Abdumannopov: "Bobur Arena"dagi atmosferani so'z bilan tariflash qiyin"