Футболчи жамоани тарк этишини расман эълон қилди.

"Биринчи кундан бошлаб ўз ўрнимни эгаллаш ва "Пари Сен-Жермен" дарвозасини ҳимоя қилиш учун майдонда ҳам, ундан ташқарида ҳам бор куч-ғайратимни сарфладим. Афсуски, кимдир мени энди жамоанинг бир қисми бўла олмаслигимга ва унинг муваффақиятига ҳисса қўша олмаслигимга қарор қилди. Бу мени хафа қилди ва руҳий тушкунликка солди.
Умид қиламанки, "Парк де Пренс"да мухлисларнинг кўзларига яна бир бор қараб, муносиб тарзда хайрлашиш имкониятим бўлади.
Агар бу содир бўлмаса, шуни билингки, сизнинг қўллаб-қувватлашингиз ва меҳрингиз мен учун беқиёс аҳамиятга эга ва мен буни ҳеч қачон унутмайман. Мен доимо барча ҳис-туйғулар, сеҳрли кечалар ва сиз ҳақингиздаги хотираларни асраб-авайлайман - сиз туфайли ўзимни уйимдагидек ҳис қилдим.
Жамоадошларимга, иккинчи оиламга: ҳар бир курашимиз, ҳар бир кулгимиз, баҳам кўрган ҳар бир дақиқамиз учун миннатдорман. Сизлар абадий менинг ака-укаларим бўлиб қоласизлар.
Бу клубда ўйнаш ва бу шаҳарда яшаш мен учун катта шараф эди. Раҳмат, Париж," - дея ёзди дарвозабон.

Аввалроқ, ПСЖ бош мураббийи Луис Энрике Доннаруммани таркибдан чиқариб ташлагани ҳақида гапирганди.

Доннарумма "ПСЖ"дан кетади: "Кимдир мени жамоанинг бир бўлаги сифатида кўришни хоҳламади"