15 yanvar kuni terma jamoamiz futbolchilari OAV vakillarining savollariga javob qaytarishdi. “Bunyodkor” matbuot xizmati olimpiya terma jamoasidagi “Bunyodkor” vakillarining fikrlari bilan qiziqdi. Hujumkor yarim himoyachi Dostonbek Hamdamovning dastlabki uchrashuv va keyingi bahs oldidan bildirgan fikrlari quyidagicha yangradi.

- Musobaqa biz uchun omadsiz boshlandi. Janubiy Koreya termasi Osiyoning eng kuchli jamoalaridan hisoblansa-da, ularga munosib qarshilik ko'rsatdik. Hozirgi paytda mag'lubiyatni unutganmiz. Endi oldimizda turgan bahslar haqida o'ylayapmiz. Ayni paytda bor etiborimizni Iroq bilan bo'ladigan uchrashuvga qaratganmiz. Umid qilamanki, Iroq termasini mag'lubiyatga uchratib, muxlislarimizni xursand qilamiz. Osiyoning eng yaxshi yosh futbolchisi uchun atalgan sovrinni qabul qilib oldim. Men birgina bu yutuq bilan to'xtab qolmoqchi emasman. Hali oldinda juda ko'plab uchrashuvlar bor. O'zimni yaxshi sifatlarimni ko'rsatib, yanada yuksak marralarni zabyut etishga harakat qilaman, - deydi Dostonbek Hamdamov.

Dostonbek Hamdamov: “Birgina sovrin bilan to'xtab qolmoqchi emasman”