Nomzodlardan biri “Bunyodkor” klubi yarim himoyachisi Dostonbek Hamdamov bu haqda o'z fikrlari bilan o'rtoqlashdi.

“Nomzodim yilning eng yaxshi yosh futbolchilari qatoriga qo'yilganidan juda ham xursandman. Bu men uchun kutilmagan va yoqimli sovg'a bo'ldi desam ham bo'ladi”, - deya gap boshladi Dostonbek.

- Aynan nimaning evaziga ushbu ro'yxatdan o'rin oldim deb o'ylaysiz?
- Yangi Zelandiyada bo'lib o'tgan yoshlar o'rtasidagi mundialda O'zbekiston terma jamoasi bilan chorak finalga qadar etib bordik. Shu sababli o'zbekistonlik uch nafar futbolchining nomzodi qo'yilgan bo'lsa kerak. Bu darajaga erishishimda jamoadoshlarimning yordami ham juda katta bo'lganini takidlashni istardim.

- Sizlardan tashqari yana qaysi o'zbekistonlik futbolchining nomzodi ushbu nominaciyaga qo'yilishga haqli edi?
- O'zbekistondan juda ko'p iqtidorli va qobiliyatli yoshlar bor. Hech bir jamoadoshimni ranjitib qo'yishni istamayman, O'zbekiston yoshlar terma jamoasida o'ynagan barchani kuchli futbolchi deb bilaman. Mamlakatimizda futbolga qaratilayotgan etibor juda ham katta. Buning samarasi xalqaro maydonlarda ko'zga tashlanmoqda.

- Agar sovrinni qo'lga kiritsangiz uni kimga bag'ishlaysiz?
- Agar xudo xohlasa sovrinni qo'lga kiritsam uni avvalambor vatanimga, ota-onamga va menga yaqindan yordam bergan murabbiylarimga bag'ishlayman. Do'stlarim Zabihillo O'rinboev va Eldor Shomurodovga ham omad tilayman.

Dostonbek Hamdamov: "Nomzodlar qatoridan o'rin olganim yoqimli sovg'a bo'ldi"