“Qiziqarli o'yin bo'ldi. O'zim ham namanganlik bo'lganim bois, bu o'yinga ikki karra masuliyat bilan maydonga tushgandim. “Mashal” bugun o'z maydonida to'p tepayotgani tufayli g'alaba qozonishni rejalashtirgandi. Yaratilgan imkoniyatlarimizdan foydalana olmadik. Bir ochkoga ega bo'ldik. Bundan xafa bo'lishga haqqimiz yo'q.

- “Mashal”ning g'alaba qozona olmaganiga nima sabab bo'ldi?

- Yuqorida aytganimdek, bizda ham, raqibimizda ham gol urish uchun imkoniyat yuzaga keldi. Biroq ikkala tomon ham gol urishning uddasidan chiqa olmadi. Bundan tashqari, “Navbahor” tartibli o'ynagani va bizga etarlicha qarshilik ko'rsatgani o'yinda durang qayd etilishiga sabab bo'ldi.

- Jamoangizni joriy mavsumdagi ishtirokini qanday baholaysiz?

- Bizda barchasi joyida. Faqatgina, muhim o'yinlarda o'z darajamizda o'ynay olmadik. Muhim ochkolarni boy berib qo'ydik. Qaysidir o'yinlarda men ham jamoaga pand berib qo'ydim. Chunki tajriba etishmasligi sezilib qolmoqda. Oldinda bizni muhim bahslar kutmoqda. Mashg'ulotlarga puhta tayyorgarlik ko'ramiz hamda ijoyib natija ko'rsatish uchun borimizni beramiz.

Dostonbek To'xtaboev: “Natijadan xafa bo'lishga haqqimiz yo'q”