Garchi bir nechta etakchilar jamoani tark etgan bo'lsada, klub Sobirxo'jaev, Hamdamov, Cheran kabi tajribali ijrochilarni olib qolishga erishdi. Ayniqsa bir necha yillardan beri to'purarlikni hech kimga bermayotgan Cheran bu yil ham to'purarlikka intilmoqchi.

- "Paxtakor" yangi mavsumga tayyormi?

- O'ylaymanki, etarli darajada hozirlik olib bordik. 3 oy tayyorgarlik uchun kam vaqt emas. Shunday ekan biz ilk o'yinga shay holatdamiz.

- Avvalgi mavsumlarga qaraganda bu safar nima kutyapsiz?

- Jamoamizda o'zgarishlar yuz berdi. Tarkibimizda yosh futbolchilar bor. Ular o'zlarini ko'rsatishlari kerak. Bildirilgan ishonchni oqlashlari lozim. Mavsumni qaysi o'rinda tugatishimizni vaqt ko'rsatadi.

- Transfer oynasining so'nggi kunida "Navbahor" qiziqish bildirgani rostmi?

- Men doim ochiqman. Hozir esa "Paxtakor" bilanman. Klub bilan shartnomam bor. Boshqa hech narsa deya olmayman.

- Bu yil shaxsiy maqsadingiz qanday?

- Yana to'purar bo'lmoqchiman. Nechta gol uraman? Nechta bo'lsa shuncha.

Dragan Cheran - "Navbahor" taklifi, nechta gol urishi va yoshargan "Paxtakor" haqida