Bir necha kun avval bazi mamlakatlarda futbol ligalari davom eta boshlangan bo'lsada virus kibersport musobaqalariga halal bera olmadi. Kompyuter o'yinlari ishqibozlari har kuni musobaqalar doirasida o'tkazilayotgan o'yinlarni tomosha qilishmoqda. Ko'pchilik "Kibersport - bekorchilar xobbisi, u orqali pul topib bo'lmaydi" deb o'ylaydi, ammo adashasiz. Etiboringizga kibersport olamining eng boy vakillarini havola qilamiz.

Dunyoning eng boy kibersportchilari
O'rin	Ism	Nik	Daromad ($)	O'yin turi	Mamlakat
1	Yoxan Sundshtayn	N0tail	6,906,166	Dota 2	Daniya
2	Jessi Vaynikka	JerAx	6,470,000	Dota 2	Finlyandiya
3	Anatan Fam	ana	6,000,411	Dota 2	Avstraliya
4	Sebastyan Debs	Ceb	5,501,233	Dota 2	Franciya
5	Topias Taavitsaynen	Topson	5,414,446	Dota 2	Finlyandiya
6	Kuro Taxasomi	KuroKy	5,176,688	Dota 2	Germaniya
7	Amir Al Bakravi	Miracle_	4,740,318	Dota 2	Iordaniya
8	Ivan Ivanov	MinD_ContRoL	4,531,393	Dota 2	Bolgariya
9	Marun Merhoj	GH	4,134,326	Dota 2	Livan
10	Lasse Urpalaynen	Matumbaman	3,662,181	Dota 2	Finlyandiya

Dota 2 bo'yicha norasmiy jahon chempionatidagi mukofot jamg'armasi 30 mln. dollardan oshgani tufayli uning g'oliblari boshqa o'yin millionerlarini ro'yxatning pastki pog'onalariga tushirib yubordi. Mazkur reytingning 22-o'rnini O'zbekistonda tug'ilgan - Artur Babaev (Arteezy) egallab turibdi. Ayni damda Kanada fuqarosi hisoblanadigan 23 yoshli Artur Dota 2 o'yinida hozirgacha 2,204,860 AQSH dollari ishlab topgan.

Kibersportda daromad topish reytingida AQSH etakchilik qilmoqda. Amerikalik kibersportchilarning hozirga qadar qo'lga kiritgan yutuqlari 140,460,058 dollarni tashkil qiladi.

Kibersportda eng ko'p daromad (mamlakatlar bo'yicha)
O'rin	Mamlakat	Daromad ($)	Kibersportchilar soni
1	AQSH	140,460,058	16465
2	Xitoy	108,815,383	4410
3	Janubiy Koreya	90,087,796	3867
4	Shveciya	37,262,507	2461
5	Daniya	35,359,331	1463
6	Franciya	28,071,943	3529
7	Kanada	27,303,878	2680
8	Rossiya	25,786,927	3399
9	Germaniya	25,345,779	4046
10	Finlyandiya	24,801,992	1473

Ushbu reytingda O'zbekiston 64-pog'onani band qilgan. Mamlakatimizda 38 nafar kibersportchi mavjud. O'zbekistonlik o'yinchilar hozirgacha 461,635 AQSH dollari ishlab topgan. Qizig'i, ko'rsatilgan pullarning 333,635 dollari bir kibersportchimiz hisobiga yozilgan. Uning ismi Akbar Bo'taev (Sonneiko). Bir qancha vaqt Dota 2 bo'yicha dunyoning eng mashhur jamoasi - Na'Vi sardori bo'lgan Akbar hozirda Evropaning nomdor NiP (Ninjas in Pyjamas) klubi sharafini himoya qiladi.

Dunyoning eng boy kibersportchilari: Kuchli 25talikda O'zbekistonda tug'ilgan yigit bor