Каталонияда кечган баҳсда ғолиб номи аниқланмаганди. Лекин "Атлетико" меҳмонда киритган гол уларга озми-кўпми ёрдам бериши мумкин. Чемпионлар лигасида меҳмонда киритилган голнинг қадри баланд ҳисобланади. Лекин мадриддаги учрашувда "Барселона" гол киритса, бу устунлик ўз-ўзидан Херардо Мартино жамоасига тарафига ўтади. Диего Симеоне жамоаси асосан ўйинни эҳтиёткорлик билан олиб боришади. "Барселона"га бу ўйинда улардаги катта тажриба қўл келиши мумкин. Ҳар иккала жамоалар таркибида ҳам йўқотишлар мавжуд. Бу албатта уларни вазифаларини бирмунча қийинлаштириб қўйиши табиий.

Чемпионлар лигасининг ушбу босқичида ҳар қандай жамоа исталган рақибни енгиб қўйиши мумкин. Чемпионлар лигаси чорак финалида шунчаки "чиқиб қолган" жамоалар ўйнашмайди. Бу иккала жамоа ҳақида эса ортиқса сўз ёки фикр билдириб ўтиш ҳам шарт эмас. Жамоалардаги вазият эса деярли бир хил ҳолатда. Ушбу тўқнашувда номи жиҳатдан "Барселона" устунроқ кўриниши мумкин. Лекин бу алдамчи ҳолат. "Атлетико" ушбу мавсумда ўз рақибларидан қўп омиллар туфайли айни пайтда нисбатан кучлироқ. Испания чемпионатида ҳам "Атлетико" "Барселона"дан тепада ва ҳақли равишда пешқадамлик қилишмоқда. Ҳозиргача бўлган ўйинларда "Барселона" Диего Симеоне жамоасини мағлуб эта олганича йўқ. Агарда статистика ва асосларга таянадиган бўлсак, бугунги ўйинда "Атлетико" ҳар қандай жиҳат бўйича каталонияликлардан кучлироқ кўринмоқда. Лекин бу футбол. Бу Чемпионлар лигаси. Испания чемпионати бошқа мусобоқа. Чемпионлар лигаси эса умуман ўзга олам. Жавоб ўйини мухлисларни катта ҳаяжонда ушлаб тура олади. Ўйин сўнггигача кечаги баҳсларда бўлгани каби ғолиб номи аниқланмай туриши мумкин. Бу катта баҳс. Юқори савиядаги мусобоқа.

Херардо Мартино ниҳоят ушбу ўйинда Симеонени мағлуб этиш чораларини кўриб чиқади. Диего Симеоне эса мавсум давомида кўрсатилаётган натижа ва кўрсаткичлар ўз-ўзидан келмаётганини яна бир бор исботлаши талаб этилади. Бундай ўйинларда аввалги ўйиндаги устунлик эвазига ғолибликни сақлаб қолишни ўйлаш бу катта муаммоларни келтириб чиқариши мумкинлигини "Атлетико" жамоаси яхши билади. "Барселона" клуби бугун ҳар қандай вазиятда олдинга олға боришлари талаб этилади.

Пике бугунги ўйинни ўтказиб юборишга мажбур

Демак бугун футбол байрами давом этади. Бу ўйинда фақат бир томонни ғалаба қилишини тахмин қилиш осон. Бу футбол ишқибозлари. Чемпионлар лигаси ўйинларида улар ҳар доим ғалаба қилишади. Уларга қайси жамоа шериг бўлишини эса тунда билиб оламиз!

Виктор Вальдес ҳам бугун томошабин сифатида ўйинни кузатади

Диего Коста ҳам бугунги ўйинни ўтказиб юбориши мумкин

ЕЧЛ, чорак финал. Жавоб ўйини.

"Атлетико" - "Барселона" (23:45 "Спорт", "НТВ-ПЛЮС Футбол2")

"Висенте Кальдерон" стадиони.

Тахминий таркиблар:

"Атлетико": Куртуа, Диего Годин, Хуанфран, Миранда, Луис Фелипе, Кристиан Родригес, Габи Фернандез, Тиагу Мендеш, Коке, Рауль Гарсия, Вилла.

"Барселона": Пинто, Маскерано, Бартра, Альба, Алвеш, Бускетс, Фабрегас, Хави, Иньеста, Месси, Неймар.

(Дастлабки ўйин: "Барселона" - "Атлетико" 1:1)

Чемпионлар лигасини кузатишда давом этинг ва ҳақиқий футболдан завқ олинг!

Шаҳбоз Беғамов

ЕЧЛ. "Атлетико" - "Барселона". Превью