"Dinamo" (Kiev) - "Yuventus" 0:2

Gol: Alvaro Morata (46, 84)

"Dinamo" (Kiev): Bushan, Kendzera, Karavaev, Zabarniy, Mikolenko, Shaparenko, Sidorchuk, Cigankov, Buyalskiy, de Pena, Supryaga.

"Yuventus": Shesni, Kellini, Danilo, Bonuchchi, Kuadrado, Remzi, Bentankur, Kulusevski, Rabo, Keza, Morata.

O'YIN YAKUNLANDI

90. Hakam ikkinchi bo'limga 3 daqiqa qo'shib berdi.

90. "Dinamo" so'nggi daqiqalarda kutilmaganda "Yuve" jarima maydonchasi ichida o'tkazmoqda. Kievliklar o'yin so'nggida o'zlariga kelishmoqda, ammo ancha kech.

89. "Dinamo"da o'zgarish: Garmash Buyalskiyni almashtirdi.

84. GOOOOOOOOOLLL!!! Moratadan dubl. Ispaniyalik forvard jarima maydonchasi ichiga oshirib berilgan to'pni boshi bilan raqib darvozasiga joylab qo'ydi.

80. Artur va Bernardeski "Yuve" tarkibida o'yinga qo'shildi, ular mos ravishda Bentankur va Remzini almashtirishdi.

73. "Yuventus" hozirga qadar "Dinamo" darvozasi tomon 9 bor zarba berdi, mezbonlarda bu ko'rsatkich 5tani tashkil etmoqda.

70. "Dinamo"da ikki o'zgarish: Popov Karavaevning o'rniga tushdi, Cigankovning o'rnida esa Verbich bundan buyog'iga harakat qiladi.

69. Mezbonlar to'pni egallab olishi bilan keskin hujumlarga o'ta olishmayapti, aniqrog'i "Dinamo" to'pga egalik qilganda maydon markazidan siljiy olmayapti.

65. To'pga egalik qilish bo'yicha katta bo'lmagan ustunlik turinliklar tarafida: 46% - 54%

60. Kievliklar safida o'zgarish: Rodriges de Penani almashtirdi.

59. Merix Demiral "Dinamo"ning ehtimoliy qarshi hujumini qo'pollik bilan oldini oldi va hakam tomonidan sariq kartochka bilan "siylandi".

56. Dibala maydonga tushdi, u Kulushevskini almashtirdi.

53. "Yuventus" to'pga egalik qilmoqda, mezbonlar esa to'pni egallab olishga qiynalishmoqda.

49. Navbatdagi sariq kartochka ham "Yuve" o'yinchisiga ko'rsatildi. Bu safar Xuan Kuadrado qo'pol o'ynagan edi.

46. GOOOOOOOOL! Alvaro Morata!!!! "Atletiko"dan ijaradan o'tgan forvard darvozabondan qaytgan to'pni "Dinamo" darvozasi tomon aniq yo'lladi.

46. Ikkinchi bo'lim boshlandi.

- Qiziqarli malumot:

1995: 16 yoshli Andrea Pirlo professional debyut o'yinini murabbiy Mircha Luchesku qo'l ostida o'tkazgan.

2020: Andrea Pirlo murabbiy sifatida Chempionlar Ligasidagi debyutini o'zining ustozi Mircha Lucheskuga qarshi o'tkazmoqda.

BIRINCHI BO'LIM YAKUNLANDI

45. Hakam birinchi bo'limga 1 daqiqa qo'shib berdi.

45. O'yindagi ilk sariq kartochka "Yuventus" yarim himoyachisi Rodrigo Bentankurga ko'rsatildi, u raqibini ortdan to'xtatib qolgan edi.

43. "Dinamo" hattoki "Yuventus" jarima maydonchasiga ham kira olmayapti, shu bilan birga turinliklar ham keskin vaziyatlarni yarata olishmayapti.

39. Bu safar Aaron Remzi jarima maydonchasidan kuchsiz zarba yo'lladi, ammo kievliklar darvozaboni to'pni qiyinchiliksiz egallab oldi.

34. Bushan qutqardi. Remzi ajoyib tarzda qanotdan kirdi va Kulushevskiga to'pni oshirdi, Deyanning zarbasini esa mezbonlar darvozaboni bartaraf etdi.

32. Kutilmaganda "Dinamo" o'yinchisi o'z jarima maydonchasi yaqinida xatoga yo'l qo'ydi, ammo Rabo bu vaziyatdan foydala olmadi.

29. Zarbalar bo'yicha statistika "Yuventus" tarafida: 1-4

24. O'yin tempi o'rtacha. Biror bir jamoa ustunlikni yaqqol qo'lga olmagan. Xavfli vaziyatlar esa yo'q.

19. "Yuventus"da majburiy o'zgarish: Kellini kutilmaganda o'zini almashtirishlarini so'radi, uning o'rniga Demiral harakat qiladi.

17. Supryaga qanotdan uzatilgan to'pni Shesni darvozasi tomon yo'llab ko'rdi, noaniq.

15. Federiko qanotdan yana jarima maydonchasi ichiga kirib borib zarba berdi, ammo bu safargisi ancha noaniq.

12. Keza! U jarima maydonchasi ichidan Bushan darvozasi tomon zarba berib ko'rdi, ammo "Dinamo" posboni seyv ijro etdi.

10. Mezbonlar ham to'pni nazorat qilishga urinmoqda, "Yuve" esa kuchli pressing qo'llamayapti.

6. Hozircha temp yuqori emas, "Dinamo" ham to'pga egalik qilishga urinmoqda. Kievliklar bugun 1 ochko uchun bo'lsa ham urinib ko'rishsa bo'ladi, sababi "Yuventus" optimal tarkibda emas va o'yin Ukrainada bo'lib o'tmoqda.

3. Dastlabki daqiqalardanoq "Yuventus" hujumlarga o'tishga harakat qilmoqda va to'pga egalik qilmoqda.

1. O'yinga start berildi.

- Hayrli kech. Tez orada Evropa Chempionlar Ligasi guruh bosqichi 1-tur doirasida Kievning "Dinamo" va Turinning "Yuventus" jamoalari o'rtasidagi o'yin boshlanadi va bu bahsni sizlar bilan birgalikda kuzatib boramiz.

ECHL. Alvaro Morataning dubli "Yuventus"ga Kievda "Dinamo" ustidan g'alabani taqdim etdi