Telegram kanalimizda "ECHL guruh o'yinlarida qaysi jamoaning keyingi bosqichga chiqa olmagani alam qildi?" mavzusida so'rovnoma qo'yib, variantlar sifatida 8ta jamoani keltirgandik.

Shu o'rinda keyingi bosqichga chiqqan klublarni yana bir karra eslab o'tsak.

Ispaniya (4) - "Atletiko", "Real", "Sevilya", "Barselona".

Germaniya (4) - "Bavariya", "Borussiya M", "Borussiya D", "Leypcig".

Angliya (3) - "Manchester Siti", "Liverpul", "Chelsi".

Italiya (3) - "Atalanta", "Lacio", "Yuventus".

Franciya (1) - PSJ

Portugaliya (1) - "Portu"

Shunday qilib Ispaniya va Germaniyadan to'rttadan jamoa keyingi bosqich yo'llanmasini qo'lga kiritdi. Angliya va Italiyadan esa uchtadan. Franciya va Portugaliyadan bittadan klub baxtli 16 jamoa orasidan joy oldi.

Evropa Ligasida o'ynaydigan jamoalar:

"Zalcburg" (Avstriya)

"Shaxtyor" (Ukraina)

Olimpiakos (Greciya)

"Ayaks" (Gollandiya)

"Krasnodar" (Rossiya)

"Bryugge" (Belgiya)

"Dinamo" Kiev (Ukraina)

"Manchester Yunayted" (Angliya)

Endi so'rovnoma natijalariga qaytsak. So'rovnomada ishtirok etganlarning 53 % "Manchester Yunayted" guruhdan chiqa olmagani alam qilganini belgilagan. Demak, ko'pchilikka aynan shu jamoaning 1/8 finalga yo'l ola bilmagani alam qilgan. Keyingi o'rinni 27 foiz ovoz bilan "Inter" egalladi. Darvoqe, "Inter" hatto uchinchi ham bo'la olmadi. Konte shogirdlari atigi 1 g'alaba bilan guruhda oxirgi bo'lishdi.

Bu borada "Ayaks" 7 foiz to'plagan bo'lsa, "Shaxtyor" 7 % ovozga ega bo'ldi. Rossiyaning eng kuchli klublaridan biri "Zenit"ning ham guruhdan chiqa olmagani alam qilgani rost. "Krasnodar", "Dinamo" Kiev va "Lokomotiv" Moskva bu borada atigi 1 foiz ovoz bilan oxirgi bo'lishdi.

"Manchester Yunayted" 6ta o'yindan uchtasida g'alaba qozonib, uch bor mag'lubiyatga uchradi. Eng alamli mag'lubiyat Istanbulda qayd etildi. Agar shu mag'lubiyat bo'lmaganida balki MYU guruhdan chiqishi mumkin edi.

ECHL guruh o'yinlarida qaysi jamoaning keyingi bosqichga chiqa olmagani alam qildi? (So'rovnoma yakunlari)