ECHL. "Manchester Siti" - "Atletiko Madrid" 1:0

Gollar: Kevin De Bryuyne (Fil Foden) 70'

"Manchester Siti": 31. Ederson Moraes, 5. Djon Stounz, 14. Emerik Lyaport, 6. Natan Ake, 27. Juan Kanselu, 17. Kevin De Bryuyne, 16. Rodrigo Ernandes, 8. Ilkay Gyundogan (10. Djek Grilish 68'), 26. Riyad Marez (47. Fil Foden 68'), 7. Raxim Sterling (9. Gabriel Jezus 68'), 20. Bernardu Silva.
Zaxira: 13. Zak Steffen, 33. Skott Karson, 11. Aleksandr Zinchenko, 25. Fernandino, 56. Konrad Egan-Riley, 79. Lyuk Mbete-Tabu.
"Atletiko Madrid": 13. Yan Oblak, 15. Stefan Savich, 23. Reynildu Mandava, 18. Felipe, 24. Shime Vrsalko, 14. Markos Lorente (19. Mateus Kunya 60'), 4. Joffre Kondogbia, 6. Koke (5. Rodrigo de Paul 60'), 12. Renan Lodi, 7. Juan Feliks (11. Toma Lemar 81'), 8. Antuan Grizmann (10. Anxel Korrea 60').
Zaxira: 1. Benjamen Lekont, 31. Kristian Vela, 9. Luis Suares, 17. Daniel Vass, 22. Mario Ermoso, 26. Xaver Serrano, 47. Ibrahima Kamara.
Ogohlantirishlar: Rodrigo de Paul 69', Anxel Korrea 83', Gabriel Jezus 85', Shime Vrsalko 90+2', Ederson Moraes 90+2'

90+3. Uchrashuv yakunlandi!

90. O'yinning asosiy vaqtiga 2 daqiqa qo'shib berildi.

86. Kevin De Bryuynening uzoq masofadan yo'llagan zarbasi anchagina noaniq ketdi.

85. O'yinning so'nggi daqiqalari anchagina asabiy tarzda kechmoqda. Ikki jamoa futbolchilari ham bahsli vaziyatlarda o'z harakterlarini ko'rsatishmoqda.

82. Ustunlik yana manchesterliklar tomonga o'tdi.

75. Xo'sh, goldan so'ng "Atletiko" qattiqroq harakatga tushadimi? Hozircha jamoa biroz faollashganga o'xshamoqda.

Hozirgina o'yinga qo'shilgan Fil Foden Kevinni oldinga boshladi, belgiyalik yarim himoyachi esa biroz o'ngroqda bo'lsa ham darvoza tomon zarba yo'llab, gol urdi!

70. GOOOOOOOOOOOOOOOOOOOOOOOOOOOOOOOOOOOOOOOOOOOOOL! Kevin De Bryuyne hisobni ochdi!

69. Har ikki jamoa zaxiradagi futbolchilarni maydonga tashlashdi. Balki, endi sal bo'lsa-da qiziqarliroq o'yin ko'rarmiz?!

64. Burchakdan uzatilgan to'pni Lyaport darvozaga yo'naltirdi, biroq birozgina noaniq ketdi.

60. Statistika: vaziyatlar yaratish bo'yicha ustunlik - 9-1.

57. Sterlingning darvoza tomon erlatib bergan zarbasi anchagina noaniq ketdi.

55. ZARBA! De Bryuyne jarima zarbasidan darvoza tomon kuchli zarba berdi, Yan Oblak esa to'pni qaytardi!

51. Lorente darvoza tomon zarba berdi, biroq uning zarbasi kuchsiz chiqdi va Ederson to'pni ushlab oldi.

47. Grizmann tezkorlik bilan oldinga o'tib ketdi, biroq yolg'iz qolib ketdi va to'pni oldirib qo'ydi.

46. Ikkinchi bo'limga start berildi!

45. Birinchi bo'lim yakunlandi!

43. Stounz uzoq masofadan zarba berdi, to'p esa anchagina noaniq ketdi.

40. O'yinning shu vaqtgacha bo'lgan qismida o'yin asosan "Atletiko" jarima maydonchasining tashqarisida, "Man Siti" yarim himoyachilari ishtirokida bo'lyapti.

35. Statistika: to'p nazorati bo'yicha ustunlik - 79%:21%

25. "Atletiko" to'pni olib qo'ygan zaxotiyoq manchesterliklar pressing qilishmoqda va tezda to'pni olib qo'yishyapti.

15. "Man Siti" madridliklarni maydonning o'zlari joylashgan tomonlariga o'tkazishmayapti. Jamoa azolari "Atletiko" himoyasini "qamal" qilib olgan.

12. Sterling bir necha futbolchidan o'tib jarima maydonchasiga kirib kelib yiqildi, hakam o'yin qoidasi buzilmaganini qayd etdi.

7. O'yin tempi o'rta darajada. Maydon egalari to'pga ko'proq egalik qilmoqda, ko'proq hujum uyushtirmoqda.

2. O'yinning ilk daqiqalarini manchesterliklar to'pni nazorat qilish bilan boshladi.

1. Uchrashuv boshlandi!

Jamoalar maydonga chiqib kelishdi. Chempionlar Ligasining madhiyasi stadion uzra yangradi!

- Uchrashuv Toshkent vaqti bilan 00:00 da boshlanadi.

ECHL. "Manchester Siti" o'z maydonida "Atletiko Madrid"ni kichik hisobda mag'lub etdi