"Manchester Yunayted" jamoasi "Olimpiakos"ni ikki o'yin natijasi ko'ra mag'lub etib, keyingi bosqichga yo'l oldi. Endi ular ECHL amaldagi g'olibi "Bavariya" tusig'idan o'tishlari kerak. Ko'pchilik futbol jamoatchiligi ushbu bahsda MYUni imkoniyatlarini pastroq baxolashmoqda.

Lekin bu aynan ushbu klub foydasiga ham ishlashi mumkin. Sababi, jamoa katta bosimdan yiroq. Aksincha "Bavariya"da bosim ko'proq.

Bu jamoalarning holati va jamoadagi ichki vaziyatidan qatiy nazar, ushbu qarama-qarshilik o'zgacha kechadi. Bunday jamoalar o'rtasidagi uchrashuvlarda favorit va autsayder haqida gapirish ko'p ham mantiqqa to'g'ri kelmaydi. Har ikkala klub boy tarixga va kuchli futbolchilarga ega.

Ko'pchilik Moyesni tanqid qilmoqda. Bu faqat APL o'yinlaridagi natijasi uchun. MYU ECHLda ushbu mavsumni ko'tarinki ruxda o'tkazayotganligini bazilar eslaridan chiqarib yuborishgandek. Jamoa o'z guruhida etakchi bo'ldi va "Olimpiakos" ustidan irodali g'alaba qozondi. Devid Moyes ayni paytda bor etiborini ushbu musoboqada yaxshi ishtirok etishga qaratgan. Bu bilan o'zining mavsum davomidagi barcha ayblarini yuvishga harakat qilishi tabiiy.

"Bavariya" esa yaqindagina Germaniya chempionligini rasmiylashtirdi. Hozir bor kuch-g'ayrat ECHLda muvaffaqiyatli ishtirok etishga qaratilgan. Oldinda ular uchun MYUga qarshi kechadigan ikkita muhim o'yinlar turibdi. "Gollivud" jamoasi deb atalib kelinadigan ushbu jamoaning imkoniyatlari haqida ortiqcha gapirish shart emas.

Ayni paytda dunyoning eng kuchli jamoasi nomini oqlab kelmoqda va turnirlarda birin-ketin g'alabalar bilan o'z muxlislarini xursand etishmoqda. Xosep Gvardiola ushbu mavsumda ham "Bavariya"ga ushbu ikkita "quloq"li, katta kubokni Myunxenga olib bermoqchi.

Bavariya Evropa chempionlar ligasidagi oxirgi ettita safar uchrashuvining barchasini g'alaba bilan yakunlagan.
MYU - "Bavariya" qarama-qarshiligi deganda, barchaning hayoliga 1999-yilgi final keladi. O'shanda Aleks Fergyuson jamoasi ECHL kubogini myunxenliklarning shundoqqina burnini tagidan ilib ketgan edi. Lekin, hozirgi "Bavariya"ni o'z vaqtida MYUni ECHL finalida ikki marotaba mag'lub etgan Xosep Gvardiola boshqarmoqda.

Chempionlar ligasi - David Moyesning MYUdagi ilk mavsumida oxirgi umidi hisoblanadi. U qolgan barcha musobaqalarda imkoniyatlarini yo'qqa chiqarib ulgurgan.
"Yunayted" bu mavsumda Chempionlar ligasidagi to'rtta uy uchrashuvining hammasida g'alaba qozongan.

Angliya chempionlari nemis jamoalariga qarshi o'tkazilgan so'nggi olti bellashuvni o'z foydasiga hal qilgan.

Ingliz klublariga qarshi o'yinlarda Bavariya 16 marta g'alaba qozongan, 15 durang qayd etib, 12 bor mag'lub bo'lgan.

ECHL: "Manchester Yunayted" - "Bavariya". Prevyu