Rejalashtirilgan o'zgarishlarga ko'ra, pley-off o'yinlarida qo'shimcha vaqt bo'lmaydi, durang qayd etilgan taqdirda jamoalar darhol penaltilar seriyasiga o'tadi.

Qolaversa, turnir jadvalida kuchli 8 likka kirganlar chorak final va yarim finaldagi javob uchrashuvlarini o'z uylarida o'tkazishadi.

Shuningdek, o'zgarishlar kuchga kirsa, bir mamlakat jamoalari chorak finalgacha o'zaro o'ynamaydi.

Bu mavsum Chempionlar Ligasi pley-off o'yinlarida 2 marta ekstra taymlarga murojaat qilindi va ularda birorta gol urilmadi, har bir duel natijasini penaltilar seriyasi hal qildi. Masalan, PSJ "Liverpul"ni penaltilar seriyasida 4:1 hisobida mag'lub etdi (umumiy hisob 1:1), "Madrid derbisi"da "Real" "Atletiko"ni 3:2 hisobida mag'lub etdi (umumiy hisob 2:2).

Shu bilan birga, guruh bosqichi yakuniga ko'ra kuchli 8 likka kirgan "Arsenal" va "Barselona" chorak final va yarim finaldagi birinchi o'yinlarini uyda, javob uchrashuvlarini esa mehmonda o'tkazdi.

Bir mamlakat jamoalariga keladigan bo'lsak, shunday uchrashuvlardan biri chorak final oldidan PSJ hamda "Brest" o'rtasida bo'lib o'tdi. 1/8 finalda esa "Real" "Atletiko" bilan, "Bavariya" "Bayer" bilan to'qnash keldi.

ECHL pley-offida qo'shimcha taymlardan voz kechiladi, dastlabki 8 o'rinni egallaganlar javob uchrashuvlarini uyida qabul qiladi