Ўтган йилнинг 26 ноябрь куни Чемпионлар Лигаси доирасида ПСЖ билан ўйинда Эден Азар жароҳат олганди. Мана орадан 51 кун ўтди: бельгиялик ўша ўйинда ватандоши Тома Менье билан тўқнашувдан кейин майдонни тарк этишга мажбур бўлганди ва ҳали майдонга қайтмади.

Ҳозир Азар деярли сафга қайтишга тайёр, лекин аниқ сана ва Зинедин Зиданнинг жамоасида қандай ўйнаб кетиши ҳозирча ҳеч кимга маълум эмас. Аввалроқ, мавсум аввалида Азар мушаклардаги муаммо туфайли 30 кунни ўтказиб юборганди ва бу "қаймоқранглилар" учун зарба бўлган, ғалабалар катта қийинчилик билан қўлга киритилганди.

Шундай бўлсада, орадан ўтган вақт давомида "Мадрид" бельгиялик футболчининг иккинчи жароҳатини осонроқ енгиб ўтгандек. "Қироллик клуби" ҳаттоки Испания Суперкубогида нафақат Азар, балки Карим Бензема ва Гарет Бэйлсиз зафар қучди. Бундан ташқари Азар ўтказиб юборган 16 ўйинда мағлубиятга учрамади. Яъни футболчининг тикланиш жараёнини мажбурий равишда тезлашитиришга ҳожат бўлмади.

Аввалига клуб берган маълумот бўйича, бельгиялик бор йўғи 3 ҳафта майдонга туша олмаслиги айтилганди. Кейинроқ клубнинг рождество байрамидаги расмлар пайдо бўлди ва у ерда Азар қўлтиқтаёқ. Шундан сўнг "қаймоқранглилар" футболчининг қайтиш санасини ўзгартиришди ва ҳозир асосий вазифа Эденни Мадрид дербисига тайёрлаш. Эслатиб ўтамиз, "Атлетико" билан учрашув 1 февраль кунига режлаштирилган.

Идеал вариантда эса Азар Чемпионлар Лигаси плей-оффига "Манчестер Сити" билан беллашувга 100% тайёр бўлиши зарур.

Хўш, сиз нима деб ўйлайсиз, Азар қайтгач, таркибга кира оладими ёки жамоа бельгияликсиз вариантларда самаралироқ ўйнашга ўрганиб бўлдими?

Омонжон Тўхтамирзаев таржимаси

Эден Азарсиз 51 кун: "Реал Мадрид" вазифаларни бельгиялик юлдузисиз қандай уддаламоқда?