22 yoshli norvegiyalik futbolchi ayni damda Angliyadagi ilk mavsumidayoq APL to'purari bo'lib turibdi.

"Holand birinchi kelganida, biz darhol uning ko'p gol urishini aytgandik va bu sodir bo'lmoqda. U ajoyib to'purar, har doim gol urishga va jamoaga yordam berishga intiladi.
Erling – bizga kerak bo'lgan forvard. U Gabriel [Jezus]ga o'xshamaydi. Gabi qanotdan hujum qilishni yaxshi ko'radi, u ko'proq harakatchan. Holand markazga yaqinroq o'ynaydi, jarima maydonchasiga kirib, u erda pas kutishga urinadi. Bu asosiy farq. Biz to'p bilan maydonning so'nggi uchdan bir qismiga chiqsak, bizda har doim jarima maydonchasi ichida odam bo'ladi.
Ko'pchilik Holand uradigan gollarning aksariyati oson ekanligini aytishadi, ammo bu yolg'on. Hammasi uning poziciyasini tanlashni bilishiga bog'liq. Bu uning eng yaxshi qobiliyatidir. U oson to'p kiritmaydi, poziciyani tanlashni biladi.
Umid qilamanki, Erling tez-tez gol urishda davom etadi va bizni xursand qiladi, biz barcha sovrinlarni qo'lga kiritish uchun birgalikda ishlashda davom etamiz", – dedi Ederson.

Ederson: "Holand "Siti"ga kerak bo'lgan hujumchi edi. Biz uning ko'p gol urishini darhol tushungandik"