Madridda musobaqaning o'tgan yilgi finalchilari o'zaro bahs olib borishdi. Unda "Real" birinchi bo'limdan keyin 0:2 hisobida ortda borayotganiga qaramay, yakunda 5:2 natijasi bilan g'alaba qozondi. Ana shu bellashuvning 85-daqiqasida madridliklar etakchilaridan biri Rodrigo jarohat olib Tchuameniga almashtirildi.

"As" nashrining xabar berishicha, braziliyalik bugun tibbiy tekshiruvdan o'tkaziladi, lekin payshanba kuniga qadar MRT qilinmaydi. Rodrigo o'ng oyoq sonining orqa qismini shikastlab olgan. Bunday holda, u LaLiga doirasida shanba kuni bo'lib o'tadigan "Barselona"ga qarshi "El Klasiko"ni o'tkazib yuborishi mumkin.

Futbolchining jarohatini bosh murabbiy Karlo Anchelotti ham tasdiqladi: "Mushaklar bilan bog'liq jarohat. U uchinchi golimizdan oldin birdaniga tez yugurdi... Afsuski, shunday".

"El Klasiko" oldidan "Real" etakchisi safdan chiqdi