Uchrashuvning 28 daqiqasida "Barselona" vingeri Lamin Yamal burchakdan uzatilgan to'pni darvozaga burdi. To'p "Real" darvozasi chizig'ini qisman bo'lsada kesib o'tdi, ammo "Real" posboni Andrey Lunin to'pni qaytardi.

Uchrashuv bosh hakami VAR bilan suhbat qurib, gol bo'lmaganini malum qildi.

Marca nashri ushbu vaziyatda bosh hakam Soto Grado VARda ishlagan Xose Mariya Sanches Martines bilan bo'lgan suhbatni elon qildi.

VAR: "Kel, tekshirib ko'ramiz, biroz shoshma, o'yinni boshlama".

Soto Grado: "Kutyapmiz. Yo'q, golni aniqlash tizimi yo'q. Biz VARni kutyapmiz, to'p chiziqdan o'tgan bo'lishi mumkin. Tekshiryapmiz. Gol aniqlash tizimi yo'q".

VAR: "Serxio, to'p Lunin qo'lqopiga tekkan vaziyatda to'xtat. Kut, biz har tarafdan ko'rib olamiz, chunki bizda kerakli rakurs yo'q".

Soto Grado: "Kutyapmiz. Hozircha bilmaymiz".

VAR: "Stop kadrda Luninning tanasi ko'rish imkonini bermayapti. To'xta, kutib tur. Biz hali ham isbot izlayapmiz. 360 gradus. Bu to'g'ri kelmaydi, bu ham, bu ham, bunisiyam...".

Soto Grado: "Shoshmaymiz. Bu juda muhim qaror, shoshilmang. Hamma kameralarni tekshiring".

VAR: "Boshqa yo'q. Boshqa kameralar yo'qligini tasdiqlay olamizmi?".

Soto Grado: "Biz shoshmaymiz. Kutgan maqul. Kutamiz".

VAR: "Sesar, o'yinni burchak to'pidan davom ettiramiz, bizda to'p chiziqni to'liq kesib o'tgani borasida isbot yo'q, shu sababli burchak to'pidan davom etamiz. To'p kirganini isbotlaydigan video yo'q. Burchak to'pi".

"El Klassiko"da ishlagan hakamlarning Yamal zarbasiga oid suhbatlari oshkor qilindi