Uchrashuvdan so'ng “burgutlar” posboni Eldor Adhamov bilan suhbatlashdik.

- O'yinga yaxshi tayyorgarlik ko'rgandik, - deya gap boshladi Adhamov. G'alaba qozonishga juda yaqin ham kelgandik. Biroq oxirgi daqiqaga gol qo'yib yuborib, muhim uch ochkoni qo'ldan chiqardik. Albatta, g'alaba qozona olmaganimiz alam qiladi. Chunki biz uch ochkoga juda yaqin kelgandik.

Mazkur o'yinda g'alabani ushlab qola olmaganimizga to'xtalsam, barchasi Yaratgan Egamdan. Shu kuni bizga g'alaba qozonish nasib qilmagan ekan. Bu o'yindan katta tajriba to'pladik. Kelgusida shunday holatlarda qay tariqa harakat qilish bo'yicha malakaga egamiz.

Superligada qolish vazifasini uddasidan chiqa olamiz. Biz kabi boshqa klublarda ham imkoniyat bor. “Andijon” esa oldida turgan o'yinlarda ijobiy natija ko'rsatgan holda, Superligada qolishni uddasidan chiqa olamiz. Shu orqali muxlislarni xursand qilish istagidamiz.

Eldor Adhamov “Qo'qon-1912”ga qarshi o'yindan keyin nimalar dedi?