"Рим" клуби Конференциялар Лигасига йўлланма олиш учун "Трабзонспор" тўсиғидан ўтиши керак. Мазкур жамоалар ўртасидаги дастлабки тўқнашув эртага Трабзондаги "Шеноль Гюнеш" номидаги ўйингоҳда ўтказилса, жавоб баҳси 26 август куни Римда ўтади.

Шу туфайли турк клуби ҳақида қисқача маълумот беришга қарор қилдик. "Трабзонспор" Туркиянинг 6 карра чемпиони ҳисобланади. Сўнгги чемпионлик 1984 йила қўлга киритилган. Айни пайтда "Қораденгиз бўронлари" таркибида бир қатор машҳур футболчилар тўп тепади.

Жервиньо (Кот-д'Ивуар) — 34 ёш, чап қанот вингери. "Лилль", "Арсенал", "Рома", "Парма" клубларида тўп тепган.

Бруно Перес (Бразилия) — 31 ёш, ҳимоячи. "Сонтос", "Торино", "Рома" сингари клублара тўп тепган.

Андреас Корнелиус (Дания) — 28 ёш, марказий ҳужумчи. "Бордо", "Аталанта", "Парма" клубларида ўйнаган.

Марек Гамшик (Словакия) — 34 ёш, ярим ҳимоячи. "Наполи" ва Словакия терма жамоаси тарихида энг кўп ўйин ўтказган футболчи. Неаполь клубида Марадонанинг рекордини янгилаган.

Маълумот учун, "Трабзонспор" — "Рома" учрашуви эртага Тошкент вақти билан 22:30 да старт олади. Мазкур баҳс атрофидаги хабарларни сайтимиз орқали кузатиб боринг.

Лео Месси. У энди Хелайфининг "кичик шаҳзода"си

Элдор эртага "Трабзонспор"га қарши ўйнайди. Турк клуби сафидаги юлдузларни биласизми?