- Bugungi o'yinni mana shunday qiyin bo'lishini bilardik. Andijon jamoasiga yangi murabbiy sifatida Maksim Shackix tayinlangandi. Yangi murabbiy jamoani ruhiyatini ko'tarishini bilardik. Dastlabki 10-15 daqiqada bizga bosim o'tkazishdi. Lekin yigitlarga rahmat, ular chidab berishdi. Tayyorgarlik ko'rgan o'yinimizni ko'rsatib berishdi. Futbolchilarga katta rahmat. Bu ularning yutug'i. G'alabani muxlislarga bag'ishlaymiz.

Sho'rtanni g'alabaga tayyorlashda ko'proq nimalarga etibor qaratildi?

- Albata, taktik jihatdan u qadar o'zgarishlarga qo'l urmadik. Yil boshidan beri 4-3-3 sxemasi bo'yicha tayyorgarlik ko'rib keldik va shu taktikada o'ynadik. Yigitlarni ruhiyatini ko'tarishga etibor qildik. Fikrlashini o'zgartirishga harakat qildik. O'ziga bo'lgan ishonchni ham oshirishga urg'u qaratdik. Asosiy etibor bergan narsamiz shu bo'ldi. Bilasizlar, yaqindagina Kubok o'yinida o'ynadik. Etiborni futbolchilarni ijobiy fikrlashiga qaratdik.

Jamoa Superligada gol urishga qiynalmoqda. 10 ta turda 4 ta gol urdi. Bugun ham bir qator imkoniyatlar bo'ldi, ammo foydalanishga kelganda jamoa oqsayapti...

- Bilasizlar, bu safar ham yosh hujumchilarni tushiryapmiz, ulardan biri 2006 yilda tug'ilgan. Futbolchilarimizni ko'pchiligi yosh. Turdan-turga o'zlariga ishonchi ortadi va ushbu kamchilikni ham to'g'rilaymiz. Mashg'ulotlarda yana o'z ustilarida ishlashadi. Hozirda iqtidorli yoshlarimiz bor. Ularni ham asosiy jamoaga jalb qilishni boshladik. Shu yoshlardan umidim katta.

Yaqinlashayotgan transfer oynasida tarkibni kuchaytirish uchun qanday rejalar qilinadi? Yoki yoshlarga etibor qaratishda davom etasizlarmi?

- Albatta, etakchi futbolchilar bizga ham kerak bo'ladi. Superligada har xil bosimda o'yinlar bo'ladi. Hujum chizig'iga, himoyaga imkon qadar yaxshi o'yinchilarni olishga harakat qilamiz. Shu bilan birga asosiy etibor yoshlarga qaratilgan. Rahbariyat ham shuni talab qilgan holda g'alabalar qozonib muxlislarni xursand qilishni xohlashadi.

Eldor Moyliev: G'alabani muxlislarga bag'ishlaymiz