- O'yinni yaxshi boshlagandik, gol ham urgandik. Afsuski keyinchalik ikkita qarshi hujumda gollar qo'yib yubordik. Ikkinchi bo'limda ham ustunlik biz tomonda bo'ldi, lekin uchinchi golni ham o'tkazib yubordik. "Xorazm" chuqur va yaxshi himoyalandi. Biz vaziyatlar yarata olmadik. Kamchiliklar ustida ishlaymiz. Bizda jamoa yangi. Bir-birini tushunishi uchun vaqt kerak bo'ladi. Mashg'ulotlarda kamchiliklar ustida ishlaymiz.

- Jamoaga yangi kelib qo'shilgan futbolchilar nima sababli jamoaga qo'shildi?

- Asosan hujum va o'rta chiziqdagi futbolchilarni jamoaga chaqirdik. Birinchi davrada bizdagi asosiy muammo hujumda bo'ldi. Biz to'pni ko'p ushlab tursak-da, ko'p hujum qila olmayotgandik. Shu sababli yosh bo'lsa ham kreativroq va oldinga o'ynaydigan futbolchilarni jamoaga olib keldik. Keyingi o'yinlarda ular jamoaga yordam beradi.

- Bugungi o'yinga qanday taktika tanlangandi?

- Asosan pressing evaziga o'ynashimiz, hujumda agressivroq bo'lishimiz kerak edi. Raqib bizga bosim o'tkazishini bilgandik va ayrim vaziyatlarda uzun paslarni sinab ko'rdik. Afsuski biz qarshi hujumlarda gollar o'tkazib yubordik. Dastlabki ikki golda biz burchak zarbasini amalga oshirdik, biroq golni ular urib ketishdi. Biz qarshi hujumga tayyor emasdik.

- Jamoada tajribali futbolchilar kamdek tuyulmoqda.

- Tajribali futbolchilar kam. Davralar oralig'ida bunday futbolchilarni olib kelish juda qiyin. Mablag'imiz ham katta futbolchilarga etmaydi.

- O'zingiz istagan futbolchilarni olib kela oldingizmi? Amalga oshmagan transferlar ham bormi?

- Ha, amalga oshmay qolgan transferlar ham bor. Bir qancha legionerlarni ko'rgandik, biroq ularning transferi o'xshamadi. "Nasaf"dagilar Sardor Bahromovni beramiz deyishgandi, biroq so'nggi pallada uning uyidagilari bu transferga qarshilik qilishdi. Jamoaga olib kela olmadik.

Eldor Moyliev "Nasaf" futbolchisi "Sho'rtan"ga o'tmagani sababini aytdi