“Musobaqani kutilganidek boshlay olmadik. Raqib himoyachilari tartibli o'yin namoyish etishdi. Nasib qilsa, keyingi o'yinda yanada yaxshiroq o'ynab, ko'proq gol kiritishga harakat qilamiz", - deya so'z boshladi hujumchimiz.

- O'yin davomida siz Sergeev bilan joy almashib harakat qildinglar. Bu narsa Koreyadek tartibli terma jamoaga qarshi o'yinda halal bermaydimi.
- Bu narsa katta ahamiyatga ega emas. Masalan men ham, Igor ham markaziy hujumchi rolida o'ynaganmiz. Bu narsa raqib himoyachilarini chalg'itish uchun tanlangan uslub edi.

- Mag'lubiyatdan so'ng, Iroqqa qarshi o'yin oldidan murabbiylar tomonidan qanday maslahatlar berildi?
- Birinchi mag'lubiyatdan so'ng ruxan cho'kib qolmaslik uqtirildi. Hali imkoniyatimiz bor. Nima qilib bo'lsa ham Iroqqa qarshi o'yinda g'alaba qozonishimiz kerak. Bundan qiyin vaziyatlarda ham, masalan jahon chempionatida guruhdan chiqish vazifasini uddalaganmiz.

- Iroq terma jamoasining asosiy futbolchilari mamlakat milliy terma jamoasiga ham azo hisoblanadilar. Bu narsa baribir jamoaning kuchliligidan dalolat beradi... Qaysi futbolchiga ko'proq etibor qaratiladi?
- Jamoaning o'yinlarini, futbolchilarning harakatlarini ko'rdik. Jamoa o'rganib chiqildi. Xudo xohlasa chiroyli o'yin ko'rsatib muxlislarimizni xursand qilamiz.

Tolibjon Qosimov suhbatlashdi

Eldor Shomurodov: “Chiroyli o'yin ko'rsatib muxlislarni xursand qilamiz”