Bunda futbolchi oldindagi o'rtoqlik uchrashuvlari va "Jenoa" haqidagi fikrlari bilan o'rtoqlashdi.

"Oldinda bizni uchta muhim uchrashuv kutmoqda. Shuning uchun ham mart oyidagi ikkita o'rtoqlik o'yini kerakli va muhim, deb o'ylayman. Terma jamoa ancha vaqtdan beri optimal tarkibda yig'ilgani yo'q. JCH saralash bahslariga har tomonlama tayyorgarlik ko'rishimizda o'rtoqlik o'yini foydadan holi bo'lmaydi.
Fikrimcha, "Jenoa"dagi o'yinlarim ko'proq bosim yuklaydi. Chunki terma jamoaga foydam tegishi uchun shu klubda ko'proq o'yin amaliyotiga ega bo'laman. "Jenoa"da har doim terma jamoaning o'yinlarini kutib yashayman, desam mubolag'a bo'lmaydi. Milliy jamoa yig'iniga kelganimda ochig'i mazza qilaman. Aytganimdek Italiya chempionatida bosim yuqori, barcha o'zbekistonlik muxlislar mendan ko'p narsa kutishadi. Hech qachon bir o'zim nimadir yutishni o'ylamayman. Jamoamga yordam berishga harakat qilaman. Boisi jamoa muvaffaqiyatga erishsa futbolchida ham sovrin yutish imkoni bo'ladi",- deydi Shomurodov.

Eldor Shomurodov: "Jenoa"da milliy terma jamoa o'yinlarini kutib yashayman"