Toshkentda Falastin bilan kuch sinashgan O'zbekiston milliy terma jamoasi 2:0 hisobida zafar quchdi. Raqib darvozasiga har ikkala golni mohir hujumchimiz Eldor Shomurodov kiritgani tahsinga loyiq.

Kecha bo'lib o'tgan 6-turdan so'ng barcha jamoalar qishki tanaffusga yo'l olishdi. Endi o'yinlar 26 martdan davom ettiriladi. O'zbekiston terma jamoasi guruhda birinchi o'rinni egallagan holda katta tanaffusga chiqdi.

Shu o'rinda to'purarlar poygasiga qaraydigan bo'lsak, Eldor Shomurodov 6ta gol bilan ikkinchi o'rinda boryapti. U sentyabr oyidan beri JCH saralash bosqichida Singapur bilan Falastinga ikkitadan, Yaman va Saudiya Arabistoniga bittadan gol urdi.

Saralash o'yinlarida 7ta gol bilan suriyalik hujumchi Omar Al Soma peshqadamlik qilyapti. BAA termasi hujumchi Ali Mabxut hisobida ham xuddi Eldor kabi 6ta gol bor.

JCH-2022 saralash bosqichidagi to'purarlar ro'yxati:

7 gol - Omar Al Soma (Suriya)

6 gol - Eldor Shomurodov (O'zbekiston), Ali Mabxut (BAA).

5 gol - Yang Ksu (Xitoy), Karim Ansarifad (Eron), Takumi Minamino (Yaponiya).

Eldor Shomurodov - to'purarlar poygasida ikkinchi