- "Mutaxassislar va muxlislar etirofiga sazovor bo'lish doimo yoqimli. Albatta eng yaxshi bo'lish futbolchini yanada ko'proq ishlashga undaydi. Bu kabi etiroflar, sovrinlar futbolchilarga qo'shimcha motivaciya beradi. PFL va "Championat.asia" hamkorlikda yo'lga qo'yilgan mazkur loyiha barcha uchun birdek qiziqarli bo'ldi".

Eldorbek Suyunov shuningdek "Paxtakor"ni juda muhim bahs kutayotganini takidladi.

- "Qo'qonda bo'ladigan bahsga qizg'in tayyorgarlik ko'ryapmiz. Bizni naqadar muhim va qiyin o'yin kutayotganini tushunib turibmiz. Qo'qonda barcha jamoalarga har taraflama qiyin bo'lmoqda. Shu boisdan ham mazkur uchrashuvga yanada jiddiy hozirlanish lozim. "Paxtakor" qaerda o'ynamasin doimo g'alaba ko'zlaydi. Nasib etsa, Qo'qon safaridan g'alaba bilan qaytib, muxlislarimizni xursand qilamiz".

- "Penalti? Ayni paytda mashg'ulotlarda odatdagidek tayyorgarlik ko'ryapmiz. Har mashg'ulotlardan keyin jamoamizning shtatli penaltichilari va jarima zarbalarini bajaruvchilari penalti, jarima zarbalarini amalga oshirishadi. Shu orqali standart vaziyatlariga tayyorgarlik ko'rib boriladi. Ammo hozircha aniq penalti borasida shug'ullanayotganim yo'q. Uchrashuvdan oldin murabbiylarimiz raqibni o'rganib, video orqali tahlil qilib chiqib, bizga aynan qaysi jihatlarga ko'proq urg'u berishimiz lozimligini ko'rsatishadi. To'g'ri, Murod Xolmuhammedov hali "nuqta"dan adashgani yo'q. Albatta, bu uchrashuvda ham penalti bo'lish ehtimolini inobatga olib alohida tayyorgarlik ko'raman. Futbolda mayda detallar bo'lmaydi. Shu boisdan bo'lishi mumkin bo'lgan barcha jihatlarni etiborga olish zarar qilmaydi".

- "O'ylashimcha, Qo'qonda muxlislarni ajoyib qarama-qarshilik kutmoqda", - dedi iyul oyining eng yaxshi darvozaboni Eldorbek Suyunov.

Eldorbek Suyunov: "Penalti bo'yicha alohida tayyorgarlik ko'raman"