Ушбу хасталик футболчида 2018 йилда "Ливерпул"дан "Ювентус"га ўтаётганда аниқланган.

"Менда қалқонсимон без касаллиги бор эди ва шошилинч жарроҳлик амалиётига муҳтож эдим. Бу менинг ҳаётимда жуда кўп нарсани ўзгартирди. Сизда жуда кўп пул бўлиши мумкин, сизда ҳамма нарса бўлиши мумкин, лекин соғлиқ барчасидан муҳим. Бу ҳаётнинг бир қисми ва мен барчага текширувлардан ўтишни маслаҳат бераман. Инсон ўзини қанчалик соғлом, деб ҳисобламасин, агар муаммо ҳақида ўз вақтида хабар топсангиз, ҳаракат қилиш мумкин.

"Ювентус" шифокорларидан миннатдорман. Клубда тиббий кўрикдан ўтганимдан икки ҳафта ўтиб қўнғироқ қилишди. Мен нима бўлаётганини билмасдим, ҳатто қалқонсимон без нима эканини билмасдим ва саратон касалим бор, деб ўйламагандим. Туринга кўчиб ўтишнинг ҳеч бўлмаганда шу томони яхши бўлди", – деди Эмре Жан.

Эмре Жан саратон касаллигига қарши кураш ҳақида гапирди